Castelo de Fuentidueña
| Castelo de Fuentidueña | |
|---|---|
| ben de interese cultural e elemento da Lista Vermella do Patrimonio | |
 | |
| Concello | Fuentidueña |
| Provincia | Segovia |
| Comunidade autónoma | Castela e León |
| Coordenadas | 41°26′24″N 3°58′48″O / 41.439899, -3.979905 |
| Estilo arquitectónico | |
| Estilo orixinal | románico (século XII) |
| Estilo actual | Ruínas |
| [ editar datos en Wikidata ] | |
O castelo de Fuentidueña atópase no concello de Fuentidueña, na provincia de Segovia, comunidade autónoma de Castela e León, España. Só se conservan unhas ruínas deste, as cales amais de recibir o ámbito de protección, tamén recibiron a catalogación de Ben de Interese Cultural o 3 de xullo de 1995.
Descrición
[editar | editar a fonte]O castelo de Fuentidueña constitúe un conxunto disperso de restos de edificacións, torres e muros, situados na parte alta dun amplo recinto amurallado, do cal forma parte, quedando perfectamente integrado, cunha función de alcázar, como último reduto, en caso de que fose tomada a poboación.
De planta pentagonal irregular, ocupa unha superficie aproximada de 5.000 m², nun terreo con moitos desniveis, con amplo foxo e barbacá.
De dubidosa cronoloxía, as actuais ruínas, formadas por cachotaría, recheas de cal e canto, parecen proceder dalgunha reforma dos séculos XII ao XIII.
