Claire Foy
  | |
| Biografía | |
|---|---|
| Nacemento | 16 de abril de 1984 (40 anos) Stockport, Reino Unido |
| Residencia | Manchester Leeds Longwick (en)  |
| Educación | Liverpool John Moores University (en) Aylesbury High School (en) Oxford School of Drama (en) |
| Cor do pelo | Cabelo castaño |
| Actividade | |
| Campo de traballo | Actuación |
| Ocupación | actriz, actriz de teatro, modelo, actriz de cinema |
| Período de actividade | 2008 - |
| Familia | |
| Cónxuxe | Stephen Campbell Moore (2014–2018), separación de feito |
| Premios | |
| |
Sinatura  | |
| Descrito pola fonte | Obálky knih,  |
       | |
Claire Elizabeth Foy, nada en Stockport, Gran Manchester, o 16 de abril de 1984, é unha actriz británica. É coñecida por interpretar a raíña Isabel II de Inglaterra na serie The Crown de Netflix, papel que lle rendeu aclamación e recoñecemento internacional, e que lle valeu un Primetime Emmy,[1] un Globo de Ouro[2] e dous premios Screen Actors Guild, alén de outros premios e nomeamentos.
Claire tamén interpretou os papeis de Ana Bolena na miniserie Wolf Hall, de Lisbeth Salander en The Girl in the Spider's Web [3] da serie Millenium, e de Janet Shearon, esposa do astronauta Neil Armstrong no filme First Man, polos que foi nomeada ao Globo de Ouro, BAFTA e os Critics' Choice Awards,[4] [5]
Traxectoria
[editar | editar a fonte]Primeiros anos e formación
[editar | editar a fonte]A súa nai, Carolina, traballa nunha empresa farmacéutica e o seu pai, David Foy, é consultor de vendas.[6] Creceu en Manchester e Leeds e é a máis nova de tres fillos. Os seus pais divorciáronse cando ela tiña oito anos.[7]
Asistiu á escola feminina Aylesbury High School desde os doce anos e despois ingresou na Universidade John Moores de Liverpool, onde estudou Arte Dramática e Cine. Despois da graduación, fixo un curso de interpretación na Oxford School of Drama.[8]
Vida persoal
[editar | editar a fonte]Ao rematar os seus estudos en Liverpool e Oxford trasladouse a Peckham, Londres, onde viviu con cinco amigas da universidade.[9]
Foy casou co actor Stephen Campbell Moore, co que ten unha filla nacida en marzo de 2015.[10] Separáronse en 2018.[11]
Carreira
[editar | editar a fonte]Mentres estudaba en Oxford participou en diversas obras de teatro. Após debutar na televisión en 2008 na serie Being Human, participou nas pezas de teatro ADN e The miracle, parte dunha triloxía do director Paul Miller no National Theatre. Claire tivo o seu primeiro papel protagonista nunha serie na adaptación da BBC da novela Little Dorrit de Charles Dickens, polo que foi nomeada a un premio RTS.
Nos anos seguintes, participou en series e telemovies británicas como 10 Minute Takes, Going Postal, Pulse e Upstairs, Downstairs. En 2011, debutou no cinema, con Season of the Witch, protagonizada por Nicolas Cage. Ese ano tamén foi unha das protagonistas do filme independente Wreckers, xunto a Benedict Cumberbatch. Ao ano seguinte, volveu ao teatro para interpretar o papel de Lady Macbeth xunto a James McAvoy, quen interpretou a Macbeth na obra homónima.
En 2014, interpretou papeis nas películas Vampire Academy e no debut como director de Jon Stewart, Rosewater, onde interpreta o papel da esposa de Maziar Bahari, interpretado por Gael García Bernal. Ao ano seguinte, interpretou a Ana Bolena na miniserie Wolf Hall da BBC Two. A miniserie, protagonizada por Mark Rylance, gañou o Globo de Ouro á mellor miniserie ou telefilme e o BAFTA á mellor serie dramática. En 2015, participou no filme The Lady in the Van, protagonizado por Maggie Smith.
En 2016, protagonizou o seu proxecto máis destacado: a serie The Crown, emitida en Netflix, interpretando o papel da raíña antes de asumir o trono e nos primeiros anos do seu reinado.[12] [13]
A aclamación que obtivo o seu papel en The Crown abriulle a porta a máis proxectos. En 2018 protagonizou películas como Unsane de Steven Soderbergh, sobre unha muller ingresada involuntariamente nun asilo, filmada integramente cun iPhone e First Man de Damien Chazelle, sobre a vida de Neil Armstrong, interpretado por Ryan Gosling. Nese mesmo ano interpretou a Lisbeth Salander en The Girl in the Spider's Web, a segunda película das adaptacións estadounidenses da serie Millenium de Stieg Larsson.
Filmografía
[editar | editar a fonte]
Cine
[editar | editar a fonte]| Ano | Título | Papel | Notas |
|---|---|---|---|
| 2011 | Season of the Witch | Bruxa/Anna | |
| Wreckers | Dawn | ||
| Vivaldi | Julietta | ||
| 2014 | Vampire Academy: Blood Sisters | Sonya Karp | |
| Rosewater | Paola | ||
| 2017 | Breathe | Diana Cavendish | |
| 2018 | Unsane | Sawyer Valentini | |
| First Man | Janet Armstrong | Indicada · BAFTA · Critics' Choice Movie Award · Globo de Ouro · Satellite Award | |
| The Girl in the Spider's Web | Lisbeth Salander | ||
| 2021 | The Electrical Life of Louis Wain | Emily Richardson-Wain | |
| My Son | Joan Richmond | ||
| 2022 | Women Talking | Salome |
Televisión
[editar | editar a fonte]| Ano | Título | Papel | Notas |
|---|---|---|---|
| 2008 | Being Human | Julia | Episodio: "Piloto" |
| Doctors | Chloe Webster | Episódio: "The Party's Over" | |
| Little Dorrit | Amy Dorrit | 14 episodios | |
| 2009 | 10 Minute Tales | Muller | Episodio: "Through the Window" |
| 2010 | Going Postal | Adora Belle Dearheart | Filme de TV |
| Pulse | Hannah Carter | Filme de TV | |
| Upstairs, Downstairs | Lady Persie | 3 episodios | |
| 2010–2011 | The Promise | Erin Matthews | 4 episodios |
| 2011 | The Night Watch | Helen | Filme de TV |
| 2012 | Hacks | Kate Loy | Filme de TV |
| 2015 | Wolf Hall | Ana Bolena | 6 episodios |
| 2016–2023 | The Crown | Raiña Elizabeth II | Protagonista, na 1ª e 2ª temporada.
Só en flashbacks a partir da 3ª. |
Notas
[editar | editar a fonte]- ↑ "Claire Foy Crowned With Drama Actress Emmy". Variety.com (en inglés). 2018-09-17.
- ↑ "Golden Globes 2017: The Crown’s Claire Foy Wins Best Actress in a TV Series, Drama". PEOPLE.com (en inglés). 2017-01-09.
- ↑ "Claire Foy Looks Nothing Like Herself in The Girl In The Spider’s Web Trailer". harpersbazaar.com (en inglés). 2018-06-07.
- ↑ "Last laugh for Wolf Hall as it wins best lighting Bafta nomination". Telegraph.co.uk (en inglés).
- ↑ Norwin, Alyssa (2016-09-27). "Claire Foy: 5 Things To Know About Actress Playing Queen Elizabeth II In ‘The Crown’". Arquivado dende o orixinal o 25 de abril de 2017. Consultado o 2017-04-24.
- ↑ "Actress Claire Foy: 'It would be terrible to be turned into a paparazzi person'". Mail Online.
- ↑ "A class act: Claire Foy on criticism, tumours and embarrassing sex". The Independent (en inglés). 2012-02-18.
- ↑ Saner, Emine (2015-08-21). "Claire Foy: an actor bringing a subtle talent to majestic roles". The Guardian (en inglés). ISSN 0261-3077. Consultado o 2024-09-22.
- ↑ "Little Claire Foy". Evening Standard (en inglés). 2008-11-24.
- ↑ "The Crown star Claire Foy on playing the biggest role of her career". Marie Claire (en inglés). 2016-11-04.
- ↑ "The Crown's Claire Foy Separates from Her Husband After 4 Years of Marriage". PEOPLE.com (en inglés).
- ↑ "Netflix's The Crown is the most expensive TV series ever". The Independent (en inglés). 2016-11-02.
- ↑ "Golden Globes: 'The Crown' Wins Best TV Series, Drama". The Hollywood Reporter (en inglés).
Véxase tamén
[editar | editar a fonte] |
Wikimedia Commons ten máis contidos multimedia na categoría: Claire Foy |
| Control de autoridades |
|
|---|
