Ditadura Nacional (Ditadura Nacional en portugués) foi a denominación do réxime ditatorial portugués saído da elección por sufraxio universal do presidente da república Óscar Carmona en 1928 debido ás turbulencias seguidas ao golpe de estado do 28 de maio de 1926. Durou até 1933, ao ser referendada unha nova Constitución, que deu orixe ao Estado Novo, un réxime político autoritario e corporativista baixo o mando do ditador António de Oliveira Salazar. Considérase que este período xunto co do Estado Novo forman o período histórico da Segunda República Portuguesa.
