Drew Gooden

Drew Gooden

(2014)
Biografía
Nacemento	24 de setembro de 1981 (43 anos) Oakland, Estados Unidos de América
Educación	Universidade de Kansas
Altura	208 cm
Peso	113 kg
Actividade
Ocupación	baloncestista
Período de actividade	2002 - 2016
Deporte	baloncesto
Liga	Baloncesto masculino da División I da NCAA e National Basketball Association
Posición de xogo	Ala-pivote
Convocado por	Memphis Grizzlies
Traxectoria   Equipo – Milwaukee Bucks – Dallas Mavericks – Sacramento Kings – Los Angeles Clippers – Orlando Magic – Cleveland Cavaliers – Chicago Bulls – San Antonio Spurs – Memphis Grizzlies 1999–2002 Kansas Jayhawks
Premios
(2002)  Big 12 Conference Men's Basketball Player of the Year (en)

Andrew Melvin "Drew" Gooden, nado o 24 de setembro de 1981 en Oakland (California), é un ex xogador de baloncesto profesional estadounidense. Cunha altura de 2,08 metros xogaba nas posicións de ala-pivote e pivote.

Traxectoria

Gooden xogou de pivote no Instituto El Cerrito como sénior, e liderou aos Gauchos en 1999 ao campionato California Interscholastic Federation Boys Division III.

Gooden foi un xogador dominante na Universidade de Kansas, facendo medias de 19,8 puntos e 11,4 rebotes por partido na tempada 2001-02. Foi a peza clave que levou a Kansas á Final Four, ademais de recoller varios premios individuais que lle galardoaban como o mellor universitario do ano.

NBA

Foi elixido na cuarta posición do Draft de 2002 por Memphis Grizzlies, aínda que foi traspasado a metade da súa primeira tempada na liga a Orlando Magic a cambio de Mike Miller. Na tempada 2004-05 fichou por Cleveland Cavaliers, facendo medias de 14,4 puntos e 9,2 rebotes por partido. Tras esta gran campaña, o baixada de rendemento de Gooden foi notorio, descendendo até os 10,7 puntos e 8,7 rebotes. Na súa terceira tempada cos Cavaliers non houbo síntomas de melloría, e mesmo a directiva da franquía barallou incluírlo nalgún traspaso. Ese traspaso chegou o 21 de febreiro de 2008, data na que foi enviado a Chicago Bulls nun intercambio a tres bandas entre os Bulls, os Cavaliers e Seattle Sonics.

O 19 de febreiro de 2009, Chicago Bulls traspasou a Gooden, Andrés Nocioni, Michael Ruffin e Cedric Simmons a Sacramento Kings a cambio de John Salmons e Brad Miller. Tras xogar un partido cos Kings, foi cortado o 1 de marzo e aos dous días asinou con San Antonio Spurs. En xullo de 2009 asinou como axente libre con Dallas Mavericks.

O 13 de febreiro de 2010, Gooden foi traspasado a Washington Wizards xunto con Josh Howard, James Singleton e Quinton Ross a cambio de Caron Butler, Brendan Haywood e DeShawn Stevenson. Días despois, o 17 de febreiro, Gooden foi traspasado a Los Angeles Clippers como parte dun intercambio a tres bandas; Ilgauskas, unha primeira rolda do draft de 2010 e os dereitos de Emir Preldžič marchábanse de Cleveland Cavaliers a Washington Wizards; Antawn Jamison desde Washington a Cleveland Cavaliers; Al Thornton dos Ánxeles a Washington Wizards e Sebastian Telfair dos Ánxeles a Cleveland. O 1 de xullo de 2010 asinou un contrato con Milwaukee Bucks por cinco anos e 32 millóns de dólares. O 16 de xullo de 2013, os Bucks cortaron a Gooden usando a cláusula de amnistía.

O 26 de febreiro de 2014, Gooden asinou un contrato de dez días cos Washington Wizards. O 8 de marzo de 2014, asinou un segundo contrato de dez días cos Wizards.

Véxase tamén

Ligazóns externas

• Perfil en NBA.com (en inglés)
• Estatísticas en Basketball-Reference.com Arquivado 01 de decembro de 2015 en Wayback Machine. (en inglés)