Microbioteríidos
| Microbioteríidos Microbiotheriidae Rango fósil: paleoceno - actualidade | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Dromiciops gliroides | |||||||||||||||||||||||
| Estado de conservación | |||||||||||||||||||||||
 Case ameazada | |||||||||||||||||||||||
| Clasificación científica | |||||||||||||||||||||||
| |||||||||||||||||||||||
| Nome binomial | |||||||||||||||||||||||
| Dromiciops gliroides Thomas, 1894 | |||||||||||||||||||||||
A dos microbioteríidos (Microbiotheriidae) é a única familia actual da orde dos microbioterios (Microbiotheria) que, até hai relativamente pouco tempo, críase extinto.[1]
Inclúe unha única especie actualmente viva, Dromiciops gliroides, chamada en Suramérica, onde habita, monito del monte, aínda que se coñecen outras especies en estado fósil.[1]
Son os marsupiais americanos máis próximos aos existentes en Australia (os australidelfos), xa que se trata dunha reinvasión de marsupiais ás terras de Gondwana, que acabaron converténdose na actual Suramérica.
Características
[editar | editar a fonte]O cranio aparece co rostro alongado e co óso nasal expandido caudalmente. Non aparece o proceso paraoccipital. O bulbo timpánico está moi desenvolvido e ocupa unha área relativamente grande da base do cranio.
A fórmula dentaria é a que aparece na táboa adxunta.
| Fórmula dentaria | |||||||
| i: | 5 | c: | 1 | p: | 3 | m: | 4 |
| 4 | 1 | 3 | 4 | ||||
Son animais poliprotodontes cunha dentición caracterizada por incisivos con forma de espátula, dispostos os da mandíbula superior en forma de arco.
Como na maior parte dos marsupiais, o cerebro, está relativamente pouco desenvolvido, para tratarse de mamíferos, con circunvolucións escasamente marcadas, aínda que os lóbulos están ben delimitados.
Taxonomía
[editar | editar a fonte]Descricións
[editar | editar a fonte]- Orde
A orde foi descrita en 1889 polo naturalista arxentino Florentino Ameghino.[1]
O grupo foi tradicionalmente incluído en Marsupialia. Foi considerado como a orde Polyprotodonta por Reig et al. en 1987; e considerado como unha orde separada por Aplin e Archer (1987) e por Marshall et al. (1990).
Filoxenéticamente está relacionado cos marsupiais australidelfos (Spotorno et al., 1997; Burk et al., 1999.[1]
- Familia
A familia fora descrita tamén por Ameghino, en 1887, no Bol. Mus. La Plata, 1: 6, e previamente incluída na familia dos didélfidos.[2]
- Xénero e especie
Tanto o xénero Dromiciops, como a especie D. gliroides, describiunos o zoólogo británico Oldfield Thomas, no seu traballo "On Micoureus griseus, Desm., with the description of a new genus and species of Didelphyidae", publicado en Annals and Magazine of Natural History, Series 6, 14: 186 -187.[3][4]
Sinónimos
[editar | editar a fonte]- Orde
A orde dos Microbiotheria foi coñecida temen polos sinónimos:[1]
- Gondawanadelphia
- Dromiciopsia
- Especie
Dromicipos gliroides reciniu tamén o nome de:[4]
- Dromociops australis F. Philippi, 1893
Etimoloxías
[editar | editar a fonte]O nome científico da orde, Microbiotheria, está foemado polos elementos do latín científico micro-, calco do grego antigo μικρο-, de μικρός mikrós, 'pequeno'; -bio, derivado do grego βίος bíos, 'vida', 'os viventes', e -theria, forma plural tirada do grego θηρίον thēríon, 'besta', 'animal salvaxe', 'fera' (e tamén 'animal terrestre', en oposicion ás aves e os peixes).[5] Vén a significar 'os pequenos animais'.
O nome da familia, Microbiotheriidae, está formado, como é a norma, sobra a base da raíz do seu xénero tipo, neste caso Microbiotherium, coa adición da desniencia -ĭdae, propia dos nomes de familia animais.
O nome do xénero, Dromiciops, refírese á semellanza entre este animal e o falanxero oriental, Dromicia nana (hoxe clasificado como Cercartetus nanus). O sufixo -ops, deriva da palabra do grego antigo ὤψ óps, que significa 'aspecto' ou 'aparencia', é dicir, 'os animais con aparencia de Dromicia".
O nome específico, gliroides, constrúse cos elementos do latín científico glir-, do latín glīs, glīrēs, 'leirón'.[6] e -oides, tirado do grego antigo ειδης eidēs, de είδος eídos, 'aspecto', 'aparencia'.[7] Literalmente, 'parecido ao leirón'.
Clasificación
[editar | editar a fonte]- Familia Microbiotheriidae Ameghino, 1887
- Xénero Dromiciops Thomas, 1894
- Dromiciops gliroides Thomas, 1894
- Xénero Eomicrobiotherium † (Marshall, 1982)
- Xénero Ideodelphys † (Ameghino, 1902)
- Ideodelphys microscopicus † (Ameghino, 1902)
- Xénero Khasia † (Marshall & de Muizon, 1988)
- Khasia cordillerensis † (Marshall & de Muizon, 1988)
- Xénero Microbiotherium † (Ameghino, 1887)
- Microbiotherium acclinum †
- Microbiotherium forticulum †
- Microbiotherium gallegosense †
- Microbiotherium patagonicum †
- Microbiotherium tehuelchum †
- Microbiotherium tortor †
- Xénero Mirandatherium † (Paula Couto, 1952)
- Mirandatherium alipioi † (Paula Couto, 1952)
- Xénero Pitheculus † (Ameghino, 1894)
- Pitheculus australis † (Ameghino, 1894)
- Xénero Dromiciops Thomas, 1894
Notas
[editar | editar a fonte]- ↑ 1,0 1,1 1,2 1,3 1,4 Gardner, A. L. (2005): Order Microbiotheria en Wilson, D. E. & Reeder, D. M., edit. Mammal Species of the World: A Taxonomic and Geographic Reference 3rd ed. Baltimore, Maryland, USA: The Johns Hopkins University Press. p. 21. ISBN 978-0-8018-8221-0.
- ↑ Microbiotheriidae no MSW.
- ↑ Dromiciops en MSW.
- ↑ 4,0 4,1 Dromiciops gliroides en MSW.
- ↑ Order Microbiotheria en A MAMMALIAN LEXICON.
- ↑ Etymology of the Latin word glis Arquivado 16 de agosto de 2015 en Wayback Machine. en myEtymology.
- ↑ -IDE2, -OÏDE no Trésor de la langue française informatisé.
Véxase tamén
[editar | editar a fonte] |
Wikimedia Commons ten máis contidos multimedia na categoría: Microbioteríidos  |
Bibliografía
[editar | editar a fonte]- Gardner, A. L. (2007): "Order Didelphimorphia", en A. L. Gardner, ed., Mammals of South America, pp. 669. University of Chicago Press, Chicago, USA.
- Gould, Edwin; McKay, George & Kirshner, David (1988): Encyclopedia of mammals. San Diego, CA, USA: Academic Press. ISBN 978-0-1229-3670-1.
- Grzimek, B.; Schlager, N. e Olendorf, D. (2003): Grzimek's Animal Life Encyclopedia. Detroit: Thomson Gale.
- Kemp, T. S. (2005): The Origin & Evolution of Mammals. Oxford: Oxford University Press. ISBN 978-0-19-850761-5.
- McKenna, M. C. e Bell, S. K. (1997): Classification of Mammals Above the Species Level. Nova York: Columbia University Press. ISBN 978-0-231-11013-8.
- Marshall, L. G. (1978): "Dromiciops australis". Mammalian Species 99: 1-5.
- Wilson, D. E. & Reeder, D. M., edit. (2005): Mammal Species of the World: A Taxonomic and Geographic Reference 3rd ed. Baltimore, Maryland, USA: The Johns Hopkins University Press. ISBN 978-0-8018-8221-0.
- Wroe, S. et al. (2000): "Cladistic analysis of dasyuromorphian (Marsupialia) phylogeny using cranial and dental features" Journal of Mammalogy, 81 (4): 1008-1024.
Outros artigos
[editar | editar a fonte]Ligazóns externas
[editar | editar a fonte]- Microbiotheriidae na ADW.
- Paleocene mammals of the world.
- Microbiotheria en Mikko's Phylogeny Archive.
- Microbiotheriidae en Paléopedia.
- Microbiotheriidae Arquivado 03 de marzo de 2016 en Wayback Machine. en Fossilworks.
- Dromiciops gliroides na Lista vermella da UICN.
