Giampaolo Menichelli
  | |||||||||||||||||||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 29 de xuño de 1938 (86 anos) Roma, Italia | ||||||||||||||||||||||||||||||||||||||||||||||||||||||||||||||||||||||
| Altura | 170 cm | ||||||||||||||||||||||||||||||||||||||||||||||||||||||||||||||||||||||
| Peso | 70 kg | ||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||
| Ocupación | futbolista (–1971) | ||||||||||||||||||||||||||||||||||||||||||||||||||||||||||||||||||||||
| Período de actividade | 1957 - 1971 | ||||||||||||||||||||||||||||||||||||||||||||||||||||||||||||||||||||||
| Nacionalidade deportiva | Italia | ||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||
| Participou en | |||||||||||||||||||||||||||||||||||||||||||||||||||||||||||||||||||||||
| 1962 | Mundial de Fútbol Chile 1962 |
||||||||||||||||||||||||||||||||||||||||||||||||||||||||||||||||||||||
| Familia | |||||||||||||||||||||||||||||||||||||||||||||||||||||||||||||||||||||||
| Irmáns | Franco Menichelli | ||||||||||||||||||||||||||||||||||||||||||||||||||||||||||||||||||||||
| Parentes | Gabriella Pozzuolo, cuñada | ||||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||||
Giampaolo Menichelli, nado en Roma o 29 de xuño de 1938, é un exfutbolista italiano, que xogaba como dianteiro.
É irmán do ximnasta artístico Franco Menichelli, gañador de cinco medallas nos Xogos Olímpicos.
Traxectoria
[editar | editar a fonte]Naceu no barrio romano de Portuense e formouse na canteira da Roma, debutando co primeiro equipo na Serie A o 9 de febreiro de 1958.
Na tempada 1958/59 saíu cedido ao Sambenedettese, onde destacou inmediatamente, marcando un gol no seu debut ante o Catania (2-2). Na seguinte campaña volveu ir cedido, desta vez ao Parma, e a continuación regresou a Roma, onde xogou durante os seguintes tres anos. En 1961 conquistou a Copa de Feiras, contra o Birmingham City inglés, sendo este o único título dun equipo italiano en dita competición europea.
En 1963 fichou pola Juventus, onde xogou durante as seguintes seis campañas, acumulando 194 partidos e 59 goles na Serie A. No Piemonte foi protagonista na conquista da Copa Italia 1964/65, onde se alzou como máximo goleador da competición, asinando tamén o gol decisivo na final contra o Grande Inter de Helenio Herrera.[1] Gañou tamén a liga na tempada 1966/67, campionato lembrado pola remontada na clasificación sobre o Inter de Herrera, culminada na última xornada.[2] Menichelli foi o máximo goleador do seu equipo, contribuíndo con 11 goles en 33 partidos.
No verán de 1969 pasou ao a Brescia, onde xogou só un ano sen poder evitar o descenso do equipo á Serie B. Uns meses despois foi contratado polo Cagliari para substituír o lesionado Gigi Riva.[3] Despois dunha tempada en Sardeña retirouse definitivamente do fútbol aos 33 anos.
Durante a súa carreira totalizou 261 partidos e 60 goles na Serie A, e 64 partidos e 14 goles na Serie B.
Selección italiana
[editar | editar a fonte]Foi 9 veces internacional coa selección italiana, coa que debutou nun partido amigable contra Francia no Stadio Comunale de Florencia o 5 de maio de 1962, formando na dianteira xunto con José Altafini, Humberto Maschio, Bruno Mora e Omar Sívori.[4] Marcou o seu único gol coa azzurra unha semana despois, noutro amigable contra Bélxica.[5]
Disputou o Mundial de 1962 en Chile, sendo titular en dous partidos, contra Alemaña Federal e Chile.
Palmarés
[editar | editar a fonte]- Roma
- Copa de Feiras (1): 1960/61.
- Juventus
- Serie A (1): 1966/67.
- Copa Italia (1): 1964/65.
Notas
[editar | editar a fonte]- ↑ Pozzo, Vittorio (30 de agosto de 1965). "Ha deciso Menichelli". La Stampa (en italiano). p. 9. Consultado o 24 de marzo de 2022.
- ↑ Pozzo, Vittorio (2 giugno 1967). "La Juventus campione d'Italia". La Stampa (en italiano). p. 8. Consultado o 24 de marzo de 2022.
- ↑ "Menichelli (ufficiale) al Cagliari". La Stampa (en italiano). 11 de novembro de 1970. p. 18. Consultado o 24 de marzo de 2022.
- ↑ "ITALIA - FRANCIA 2 - 1". Federación Italiana de Fútbol (en italiano). Consultado o 24 de marzo de 2022.
- ↑ "BELGIO - ITALIA 1 - 3". Federación Italiana de Fútbol (en italiano). Consultado o 24 de marzo de 2022.
Véxase tamén
[editar | editar a fonte]Bibliografía
[editar | editar a fonte]- Tavella, Renato (1997). Il romanzo della grande Juventus (en italiano). Roma: Newton Compton. ISBN 978-88-541-6598-4.
Ligazóns externas
[editar | editar a fonte]- Datos do xogador na Federación Italiana de Fútbol (en italiano).
- Datos do xogador en BDFutbol (en castelán).
.svg){kind=small} | ||
| Control de autoridades |
|
|---|
