Illas da Liña

Illas da Liña
	(en) Line Islands
Tipo	arquipélago; grupo de illas
Parte de	Polinesia
	1°42′N 157°12′O / 1.7, -157.2
Bañado por	Océano Pacífico
Composto por	Line Islands (en) ; Illa Jarvis ; Atol Palmyra ; Arrecife Kingman ; Central Line Islands (en)
Características
Superficie	510,16 km²
Categoría Ia da UICN: reserva natural estrita
World Database on Protected Areas
Identificador	300045
	;
Categoría Ia da UICN: reserva natural estrita
World Database on Protected Areas
Identificador	2931

As Illas da Liña tamén chamadas Espóradas Ecuatoriais (en inglés, Line Islands) é un arquipélago de once illas situado ao norte das illas da Sociedade, ao sur das Hawai e ao oeste das illas Fénix. Esténdense 2.410 km en dirección noroeste sueste cunha superficie de 680 km². A maioría pertencen á República de Kiribati, excepto tres que son posesións dos Estados Unidos.

O arquipélago está a lado e lado da liña do ecuador, de aquí o seu nome. Tamén se chamou Espóradas Ecuatoriais ou Espóradas da Polinesia Central para diferencialas das illas Espóradas de Grecia, que quere dicir «dispersas».

Os restos arqueolóxicos indican que algunhas illas foron habitadas por polinesios. Pero cando chegaron os europeos, estaban deshabitadas. Foron descubertas por diversos europeos, e redescubertas e rebautizadas diversas veces durante o século XIX. En 1888 foron anexionadas polo Reino Unido, incorporadas na colonia das illas Gilbert e Ellice desde o 1916.

Hoxe en día viven un total de 9.100 habitantes, a maioría na illa Kiritimati, orixinarios das illas Gilbert. A actividade principal é a exportación de copra.

As Illas da Liña están no fuso horario coa última hora do planeta: UTC 14. Xa que logo, é o primeiro lugar do mundo en saudar cada novo día e cada novo ano. Ten a mesma hora que Hawai, pero un día antes, e ata está 24 horas por diante doutras illas de Oceanía.

Atol/Illa/Arrecife	Área da Illa km²	Lagoa km²	Coordenadas	Status
Norte
Arrecife Kingman	0.03	60	6°24′N 162°24′O / 6.400, -162.400	territorio non incorporado aos Estados Unidos
Atol Palmyra	6.56	15	5°52′N 162°6′O / 5.867, -162.100	territorio incorporado aos Estados Unidos
Teraina (Illa Wáshington)	14.2	2*	4°43′N 160°24′O / 4.717, -160.400	Pertencente a Kiribati
Tabuaeran (Illa Fanning)	33.7	110	3°52′N 159°22′O / 3.867, -159.367	Pertencente a Kiribati
Kiritimati (Illa Christmas)	388.5	324	1°53′N 157°24′O / 1.883, -157.400	Pertencente a Kiribati
Centro
Illa Jarvis	4.45	-	0°22′S 160°03′O / -0.367, -160.050	territorio non incorporado aos Estados Unidos
Illa Malden	39.3	13*	4°01′S 154°59′O / -4.017, -154.983	Pertencente a Kiribati
Arrecife Filippo	-	1.5	5°30′S 151°50′O / -5.500, -151.833	fóra de Zona económica exclusiva
Illa Starbuck	21	25	5°37′S 155°56′O / -5.617, -155.933	Pertencente a Kiribati
Sur
Illa Caroline	3.76	2.5	9°57′S 150°13′O / -9.950, -150.217	Pertencente a Kiribati
Illa Vostok	0.24	-	10°06′S 152°25′O / -10.100, -152.417	Pertencente a Kiribati
Illa Flint	3	-	11°26′S 151°48′O / -11.433, -151.800	Pertencente a Kiribati
Illas da Liña	514,74	538

As áreas da lagoa marcadas cun asterisco están comprendidas dentro das áreas da illa da columna anterior, porque son diferentes dun atol típico, as augas interiores seláronse completamente do mar.

Só tres illas están habitadas, cunha poboación total de 8.809 (segundo o censo de 2005), dos cales 5.115 están en Kiritimati, 2.539 en Tabuaeran, e 1.155 en Teraina. No ano 1900, a poboación total destes tres atois era aproximadamente 300.

Illas

De norte a sur son as seguintes:

Teraina, ou Illa Wáshington
Tabuaeran, ou Illa Fanning
Kiritimati, ou Illa Christmas
Illa Malden, historicamente coñecida como Illa Independence
Illa Starbuck,historicamente tamén coñecida cos nomes Volunteer, Low, Starve, Hero, Varren e Coral Queen.
Illa Vostok, ou Illa Staver
Illa Caroline, ou Illa Millenium
Illa Flint

Posesións norteamericanas

Ademais das illas da república de Kiribati, xeograficamente o arquipélago inclúe as posesións norteamericanas de: