Jaguar Racing

**Jaguar**

Nome completo	Jaguar Racing F1 Team
Bandeira
Baseada en	Milton Keynes, Reino Unido
Tempadas en activo	5 (2000-2004)
Número de pilotos	Eddie Irvine Mark Webber
Debut	Gran Premio de Australia de 2000
Carreiras	85
Campionatos de Construtores	0
Campionatos de Pilotos	0
Vitorias	0
Pole positions	0
Voltas Rápidas	0
Puntos totais
Derradeiro GP	Gran Premio do Brasil de 2004

Jaguar Racing foi un equipo de Fórmula 1 que competiu no Campionato Mundial de Fórmula 1 da FIA de 2000 a 2004. Formouse a partir da compra, por Ford do equipo de Fórmula un Stewart Grand Prix propiedade de Jackie Stewart en xuño de 1999. Ford cambiou o nome do equipo a Jaguar Racing, como parte das súas operacións globais de mercadotecnia para promover a súa compañía de automóbiles premium Jaguar. Malia a marca, continuaron utilizando os motores Ford-Cosworth nos coches, e non os motores Jaguar. Durante os anos da propiedade de Ford, o equipo non puido revivir as súas actuacións de 1999.

Historia

No ano 2000 o equipo foi dirixido por Wolfgang Reitzle, que era entón xefe do Premier Automotive Group de Ford. O financiamento adicional e a publicidade conseguida ao converterse en equipo de Ford foron evidentes desde a primeira carreira do ano. O equipo contratou ao finalista do campionato de 1999 Eddie Irvine e ao expiloto de Stewart Johnny Herbert, pero os resultados da tempada non igualaron os que Stewart alcanzara en 1999. Reitzle renunciou e foi substituído por Bobby Rahal en 2001.

Os resultados non melloran en 2001, e o nomeamento do tres veces Campión do Mundo de F1 da FIA Niki Lauda como director na metade do ano non axudaron á moral do equipo, e o equipo perdía posicións na pista. Un intento infrutuoso de traer ao ex director técnico de McLaren Adrian Newey para Jaguar desestabilizou aínda máis o equipo, e o conflito entre Rahal e Lauda levou a dimisión de Rahal.

O ano 2002 foi aínda peor ca xestión de Lauda, con só un rexurdimento a finais da tempada en termos de resultados. A xunta directiva de Ford empezaba a ter grandes problemas cos custos e beneficios da xestión do equipo de Fórmula Un, especialmente por non contar coa marca da empresa matriz. O financiamento reduciuse para 2003. Lauda e outros 70 empregados foron despedidos, e déuselle un prazo de tempo de 2 anos para dar beneficios.

En 2003 viuse unha mellora no equipo, dirixido por John Hogan, beneficiouse dunha boa xestión e un uso máis eficiente dos recursos (en particular, ao usar o túnel de vento preto da fábrica en comparación co de California). 2004 viu unha estabilización dos resultados, pero o equipo non foi capaz de loitar polos puntos de maneira consistente. A empresa matriz de Jaguar na Fórmula 1, Ford, publicou un cortés ultimato como parte dunha redución na participación deportiva internacional. Debido a que Jaguar non publicitaba a marca principal Ford, había moi pouco retorno de valor da enorme cantidade de diñeiro investido, polo que o financiamento reducía o do propio Ford. Ford optou por vender o equipo preto do final de 2004, malia unha actuación máis coherente nos dous anos anteriores. A mediados de novembro de 2004, a compañía de bebidas enerxéticas Red Bull, confirmou que compraran o equipo Jaguar de Fórmula Un a Ford. O novo equipo, chamado Red Bull Racing, utilizou o chasis e o motor do que sería o Jaguar 2005 de Fórmula 1, un desafío para a súa primeira tempada.

Ironicamente, na última tempada de Jaguar, o equipo recibiu unha gran publicidade, cando dous dos mecánicos do equipo, logo de gañar un burro inflable da película Shrek nunha bebida gasosa, fotografárono polo paddock en varias carreiras e crearon un sitio web cas fotos. Despois de que no Gran Premio do Brasil de 2004, Bernie Ecclestone, Max Mosley, gran parte dos executivos deste deporte, todos os pilotos, agás Michael Schumacher asinaran no burro, os mecánicos anunciaron a súa intención de poxalo en eBay e doar as ganancias á caridade.^{[Cómpre referencia]} Para o Gran Premio de Mónaco de 2004, os Jaguar foron equipados cun novo deseño no morro para promover a película Ocean's Twelve. Diamantes de Steinmetz Group por valor de máis de 250.000 $ dólares americanos pegáronse ao morro de cada coche, supostamente desapareceron dun deles logo de que Christian Klien chocara na primeira volta.^{[Cómpre referencia]}

Os pilotos foron Eddie Irvine en 2000–2002, Johnny Herbert en 2000, Luciano Burti en varias carreiras en 2001 e no Gran Premio de Austria de 2000, Pedro de la Rosa en 2001 e 2002, Antônio Pizzonia en 2003 ata Hockenheim, Mark Webber en 2003 e 2004, Justin Wilson desde Hockenheim ata o fin de 2003, e Christian Klien en 2004.

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Chasis	Motor	Pneu.	Pilotos	1	2	3	4	5	6	7	8	9	10	11	12	13	14	15	16	17	18	Puntos	Pos.
2000	Jaguar R1	Cosworth CR-2 V10	B		AUS	BRA	SMR	GBR	ESP	EUR	MON	CAN	FRA	AUT	ALE	HUN	BEL	ITA	USA	XPN	MAL		4	9º
				Eddie Irvine	Ret	Ret	7	13	11	Ret	4	13	13	PO	10	8	10	Ret	7	8	6
				Luciano Burti										11
				Johnny Herbert	Ret	Ret	10	12	13	11	9	Ret	Ret	7	Ret	Ret	8	Ret	11	7	Ret
2001	Jaguar R2	Cosworth CR-3 V10	M		AUS	MAL	BRA	SMR	ESP	AUT	MON	CAN	EUR	FRA	GBR	ALE	HUN	BEL	ITA	USA	XPN		9	8º
				Eddie Irvine	11	Ret	Ret	Ret	Ret	7	3	Ret	7	Ret	9	Ret	Ret	Ret	Ret	5	Ret
				Luciano Burti	8	10	Ret	11
				Pedro de la Rosa					Ret	Ret	Ret	6	8	14	12	Ret	11	Ret	5	12	Ret
2002	Jaguar R3 Jaguar R3B	Cosworth CR-3/CR-4 V10	M		AUS	MAL	BRA	SMR	ESP	AUT	MON	CAN	EUR	GBR	FRA	ALE	HUN	BEL	ITA	USA	XPN		8	7º
				Eddie Irvine	4	Ret	7	Ret	Ret	Ret	9	Ret	Ret	Ret	Ret	Ret	Ret	6	3	10	9
				Pedro de la Rosa	8	10	8	Ret	Ret	Ret	10	Ret	11	11	9	Ret	13	Ret	Ret	Ret	Ret
2003	Jaguar R4	Cosworth CR-5 V10	M		AUS	MAL	BRA	SMR	ESP	AUT	MON	CAN	EUR	FRA	GBR	ALE	HUN	ITA	USA	XPN			18	7º
				Mark Webber	Ret	Ret	9	Ret	7	7	Ret	7	6	6	14	11	6	7	Ret	11
				Antônio Pizzonia	13	Ret	Ret	14	Ret	9	Ret	10	10	10	Ret
				Justin Wilson												Ret	Ret	Ret	8	13
2004	Jaguar R5	Cosworth CR-6 V10	M		AUS	MAL	BHR	SMR	ESP	MON	EUR	CAN	USA	FRA	GBR	ALE	HUN	BEL	ITA	CHN	XPN	BRA	10	7º
				Mark Webber	Ret	Ret	8	13	12	Ret	7	Ret	Ret	9	8	6	10	Ret	9	10	Ret	Ret
				Christian Klien	11	10	14	14	Ret	Ret	12	9	Ret	11	14	10	13	6	13	Ret	12	14

Véxase tamén

Outros artigos

Jaguar