Lahti

Lahti

Lahti (fi) Lahtis (sv)
Brasón
Localización
60°58′49″N 25°39′18″L
Estado	Finlandia
Axencia Rexional	Finlândia Meridional (pt)
Rexión	Päijänne Tavastia
Capital de	Päijänne Tavastia
Poboación
Poboación	120.809 (2024) (262,91 hab./km²)
Lingua oficial	lingua finesa
Xeografía
Situado na entidade territorial estatística	Subrexión de Lahti
Superficie	459,5 km²
Altitude	122 m
Comparte fronteira con	Asikkala Iitti Heinola Hollola Orimattila
Datos históricos
Precedido por	Nastola
Creación	1905
Organización política
• Xefe do goberno	Niko Kyynäräinen (en) (2024–)
Órgano lexislativo	Lahti City Council (en) , (Escano: 59)
Membro de	Union of the Baltic Cities (en)
Identificador descritivo
Fuso horario	UTC+02:00, horario estándar UTC+03:00, horario de verán
Outro
Irmandado con	Randers (pt) Norberg (en) Tamsalu (en) Västerås (pt) (1940–) Ålesund (1947–) Akureyri (1947–) Zaporizhzhia (1953–) Pécs (1956–) Garmisch-Partenkirchen (1987–) Suhl (1988–) Kaluga (pt) (1994–) Narva (1994–) Deyang (pt) (2000–) Wuxi (pt) (2011–)
Páxina web	lahti.fi

Lahti (en sueco Lahtis) é unha cidade da rexión de Päijänne Tavastia (Finlandia). A cidade ten unha poboación de 102.358 habitantes (2012), o que a converte na oitava cidade máis grande de Finlandia.

Historia

Lahti conseguiu o recoñecemento de cidade en 1905, aínda que se coñece a súa existencia dende 1443. O seu desenvolvemento remóntase á construción da liña de ferrocarril que une as cidades de Helsinqui e San Petersburgo, construída en 1870 e tamén grazas ao asentamento de refuxiados da Guerra de Inverno que enfrontou a Finlandia e Rusia no século XX.

Xeografía

Clima

Lahti
Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec	Ano
Temperatura media máxima (°C)	-3,5	-3,5	1,6	8,6	16,0	19,9	22,7	20,4	14,4	7,8	1,6	-1,9	8,7
Temperatura media (°C)	-6,4	-7,0	-2,7	3,5	10,1	14,4	17,2	15,1	9,7	4,6	-0,6	-4,5	4,5
Temperatura media mínima (°C)	-9,8	-10,9	-6,9	-1,5	3,7	8,4	11,3	9,9	5,4	1,4	-3,1	-7,6	0
Precipitacións (mm)	48	34	35	28	43	65	77	75	58	65	58	50	636
Fonte: Tilastoja Suomen ilmastosta 1981-2010[Ligazón morta]

Cultura

Exterior do Sibeliustalo.

Lahti é unha cidade cun ambicioso programa cultura, e nos últimos anos viu a construción dun gran pazo de congresos e sala de concertos, o Sibeliustalo (Sibelius Hall). Lahti conta cunha das orquestras sinfónicas máis coñecidas de Finlandia, a Sinfonía Lahti, que interpreta música clásica e popular, principalmente obras do compositor finés Jean Sibelius.

A programación musical anual de Lahti inclúe eventos como o Festival de Órgano de Lahti, Jazz na praza do mercado e o Festival Sibelius.

Deporte

Lahti é moi coñecida por organizar anualmente a Copa do Mundo de deportes de inverno, a Salpausselän kisat. Os eventos de saltos de esquí do Salpausselän kisat forman parte do Nordic Tournament.

Nos Xogos Olímpicos de 1952, foi a sede das roldas preliminares do torneo de fútbol.

A cidade organizou tamén os Xogos Mundiais de 1997. Tamén no 2010, converteuse na única cidade que organizou seis veces o Campionato Mundial de Eskí Nórdico (1926, 1938, 1958, 1978, 1989, 2001 e 2010).

Lahti conta tamén cun equipo profesional de hóckey sobre xeo, os Pelicans, un club de fútbol, o FC Lahti, e un de baloncesto, o Namika Lahti. En xullo e agosto de 2009, Lahti acolleu o 18º World Masters Athletics Championships, unha competición anual de atletismo destinada a mulleres e homes de 35 anos ou máis.