Leeds United F.C.

Leeds United
Nome	Leeds United Association Football Club
Alcume(s)	The Whites
Fundación	17 de outubro de 1919 (105 anos)
Estadio	Elland Road, Leeds, Inglaterra
Inauguración	1904
Capacidade	37.890
Presidente	Andrea Radrizzani
Adestrador	Marcelo Bielsa
Liga	Premier League
2019–20	1º (Championship)
Na rede
http://www.leedsunited.com/
Titular Alternativo Terceiro

O Leeds United Association Football Club é un club de fútbol de Inglaterra (Reino Unido), da cidade de Leeds en West Yorkshire. Foi fundado en 1919 e xoga na Premier League.

Historia

O Leeds United FC foi fundado en 1904. O seu primeiro nome foi Leeds City FC.

Na tempada 1968-69 consegue o seu primeiro campionato da Football League First Division inglesa. Repetiron na tempada 1973-74.

Na tempada 1974-75, chegou á final da Liga de Campións da UEFA, perdendo nesta contra o Bayern de Múnic por 2 a 0, nun partido disputado en París.

O último grande éxito do Leeds United na primeira división de fútbol inglés remóntase á tempada 1991-92 na que se proclamou campión inglés con 67 puntos, seguido do Sheffield. O equipo estaba integrado por xogadores como Éric Cantona ou Gordon Strachan e o adestrador era Howard Wilkinson.

Pero non foi ata a tempada 2000/2001 cando o Leeds alcanzou o seu máximo esplendor en Europa; nun equipo formado por xogadores como Rio Ferdinand, Jonathan Woodgate, Ian Farte, Robbie Keane, Alan Smith, Mark Viduka ou Harry Kewell e sendo adestrado por David O'Leary. Na primeira rolda da Champions League atopáronse con equipos co AC Milan, FC Barcelona e Besiktas, pasando de rolda xunto cos rossoneri. A segunda fase deparou máis equipos complicados, atopándose con Real Madrid, Lazio e RSC Anderlecht, pasando xunto co equipo español aos cuartos de final onde lle esperaba o Deportivo da Coruña, partido que o Leeds sentenciou cun contundente 3-0 na ida. As semifinais enfrontaron ao Leeds co Valencia CF de Héctor Cuper, que logo dun partido igualado na ida en Elland Road sentenciou na volta cun 3-0 con goles de Juan Sánchez e Gaizka Mendieta apeando ao Leeds de xogar a final da Champions League. Os xogadores do Leeds con motivo deste último partido rapáronse todos o pelo da cabeza para enfrontarse ao rival. As dúas tempadas seguintes seguiron disputando competición europea, aínda que esta vez era a Copa da UEFA onde non conseguiron pasar de oitavos de final ningún dos dous anos.

A tempada 2003/2004 consumouse o descenso do Leeds á Championship logo de dúas malas tempadas nas que o equipo cambiou dúas veces de adestrador (Terry Venables e Peter Reid) e tras unha derrota ante o Bolton a dúas xornadas para o final da tempada que deixaba o descenso practicamente consumado. En 2004 o club tivo que vender o seu estadio e logrou sobrevivir grazas a un consorcio de empresarios locais.

Logo de tres tempadas na Championship, na tempada 2006/2007 e debido a que debía 35 millóns de libras foi posto baixo administración xudicial e coa consecuente retirada de puntos descendido á terceira división do fútbol inglés.

O 8 de maio de 2010, o Leeds United logra o ascenso á Championship tras vencer ao Bristol Rovers en Elland Road.

Uniforme

• Uniforme titular: Camiseta, pantalón e medias brancas.
• Uniforme alternativo: Camiseta e pantalón amarelos e medias azuis.

Xogadores

Cadro actual

Actualizado a 20 de agosto de 2020.

Nº Posto País Xogador 1 POR Illan Meslier 2 DEF Luke Ayling 3 DEF Barry Douglas 4 MED Adam Forshaw 6 DEF Liam Cooper 7 MED Ian Poveda 9 DIA Patrick Bamford 10 MED Ezgjan Alioski 11 DIA Tyler Roberts 13 POR Kiko Casilla 15 MED Stuart Dallas 17 MED Hélder Costa 19 MED Pablo Hernández

Nº Posto País Xogador 21 DEF Pascal Struijk 22 MED Jack Harrison 23 MED Kalvin Phillips 24 DEF Leif Davis 25 POR Elia Caprile 30 DIA Joe Gelhardt 36 MED Robbie Gotts 43 MED Mateusz Klich 44 MED Mateusz Bogusz 46 MED Jamie Shackleton 48 MED Jordan Stevens 49 DEF Oliver Casey

Palmarés

Torneos nacionais

• Premier League (3): 1968–69, 1973–74, 1991–92
• EFL Second División/Championship (4): 1923–24, 1963–64, 1989–90, 2019–20
• FA Cup (1): 1971–72
• Football League Cup (1): 1967–68
• FA Community Shield (2): 1969, 1992

Torneos internacionais

• Copa de Feiras (2): 1967–68, 1970–71
• Subcampión da Liga de Campións da UEFA (1): 1974–75

Véxase tamén

Ligazóns externas

• Sitio web oficial (en inglés)