Lucernario
- Este artigo trata sobre o corpo cilíndrico con ventás na parte superior dos edificios, para o oco no teito ou na parte superior da parede véxase Biolo.
Un lucernario, lucarna ou lumieira é un corpo cilíndrico ou poliédrico con fiestras ou aberturas que están na parte superior dalgúns edificios. A estrutura proxéctase na cuberta inclinada da casa, xeralmente cunha xanela para a entrada da luz e circulación de ar no faiado. Ás veces denomíanse tamén mansarda, mais este termo adoita reservarse para a cuberta crebada, o tipo de cuberta a dúas augas con dous declives, sendo a parte inferior máis pendente ca a superior.
Os lucernarios aparecen tanto en construcións orixinais como en reformas posteriores, para crear espazos útiles nos faiados dos edificios, ademais de ter unha nova fiestra.[1]
O mesmo ca as claraboias ou biolos e as bufardas, os lucernarios son fonte de luz e ventilación no faio dos edificios, mais, a diferenza das claraboias (que son paralelas á superficie da cuberta) estes incrementan o tamaño do faio permitindo ter máis espazo dispoñíbel. Para a súa instalación cómpre furar a cuberta que se teita con outra pequena cuberta, normalmente a dúas augas, cuxo cabalete sitúase perpendicular á aba e á fiestra no centro e por riba desta.
A casa tradicional galega raramente posúe lucernarios, xa que o faiado non adoita ser habitábel. Si é común ver lucernarios en casas urbanas galegas e en reformas de vivendas vernáculas.
Galería de imaxes
[editar | editar a fonte]-
Lucernarios na cuberta da casa de Estanislao Durán, en Vigo. -
Lumieiras na cuberta e faiado do Edificio Simeón en Vigo. -
Casa inglesa con dous lucernarios na cuberta. -
-
Casa cun lucernario no colmado, Inglaterra. -
-
-
Un lucernario a dúas augas. -
Lucernario nun tellado italiano. -
Múltiples lucernarios nun tellado polonés. -
Un lucernario de cuberta plana. -
Un lucernario de cuberta a tres vertentes. -
Un lucernario nun tellado de tellas de formigón.
Notas
[editar | editar a fonte]- ↑ Barr, Peter. "Illustrated Glossary - 19th Century Adrian Architecture". Sienaheights.edu. Arquivado dende o orixinal o 25 de xaneiro de 2009. Consultado o 17 de xuño de 2009.
