Neotragus pygmaeus
| Neotragus pygmaeus | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||||
| Estado de conservación | |||||||||||||||||||||||||||||||||||
 Pouco preocupante[1] | |||||||||||||||||||||||||||||||||||
| Clasificación científica | |||||||||||||||||||||||||||||||||||
| |||||||||||||||||||||||||||||||||||
| Nome binomial | |||||||||||||||||||||||||||||||||||
| Neotragus pygmaeus (Linnaeus, 1758) | |||||||||||||||||||||||||||||||||||
| Sinonimia | |||||||||||||||||||||||||||||||||||
|
| |||||||||||||||||||||||||||||||||||
_(14792763543).jpg)
Neotragus pygmaeus é unha especie de mamífero artiodáctilo da familia dos bóvidos, subfamilia dos antilopinos,[2][3] propio das selvas tropicais húmidas da África occidental.[1]
Características
[editar | editar a fonte]É un antílope diminuto, do tamaño dun coello, o menor de todos os antílopes, de todos os ungulados e de todos os ruminantes do mundo.[4][5][6][7][8][9] De corpo delicado e compacto, sen cristas no curuto da cabeza, e lombo arredondado. Só os machos presentan cornos, que son rectos, pequenos e rematados en punta. As orellas son máis ben curtas. O fociño está espido. Os pezuños interiores son estreitos e apuntados. Presenta glándulas preorbitais e nos pezuños, e carece de glándulas inguinais. As ubres das femias teñen catro tetos.[10][11]
A cabeza e o pescozo son de cor parda escura (agás nos lados da cara e do pescozo, que son de coloración parda amarelada brillante), que se torna máis clara na parte superior do dorso. As patas e os flancos do tronco son máis claros, de cor parda amarelada, que contratan coas parte inferiores do corpo, que son de cor branca pura. Presentan un colar rubio na garganta. A cola é máis ben longa, está moi poboada de pelo, parde escura por riba, agás na parte final, que é branca, o mesmo ca parte interior. Os cornos (só nos machos) son moi pequenos, de 2,5 a 4 cm, pralelos, lisos en toda a súa lonxitude, incinados cara a atrás e rematados en puntas moi finas. As femias son similares aos machos, pero sen cornos.[11]
A lonxitude da cabeza e o tronco oscila entre os 40 e os 50 cm, a cola mide de 3 a 8 cm, e a alzada (altura na cruz) é duns 25 xm. O peso pode variar entre 1,8 e 2,5 kg.[10]
Hábitat e distribución
[editar | editar a fonte]Vive nas selvas tropicais húmidas da África occidental, podéndose encotrar en Costa do Marfil, Ghana, Guinea, Liberia e Serra Leoa.[1]
Depredadores
[editar | editar a fonte]Os seus principais depredadores son o leopardo, o ratel, as aguias, a serpe pitón e os varanos.[Cómpre referencia]
Taxonomía
[editar | editar a fonte]Descrición
[editar | editar a fonte]A especie foi descrita por Linneo en 1758 na páxina 69 do volume I da 10ª edición do seu Systema Naturae,[2] baixo oi nome de Capra pygmaea.[12]
Etimoloxía
[editar | editar a fonte]O nome específico, pygmaeus, é un substantivo do latín científico tirado do grego antigo πυγμαῖος pygmaĩos, 'anano'.[13][14]
(Para a etimoloxía do xénero, ver o artigo Neotragus).
Sinónimos
[editar | editar a fonte]Ademais de polo nome actualmente válido, a especie foi recoñecida tamén polos sinónimos seguintes:[12]
- Capra pygmaea Linnaeus, 1758
- Antilope regia Erxleben, 1777
- Antilope opinigera Lesson, 1827
- Moschus pygmaeus Linnaeus, 1766
- Nanotragus perpusillus Gray, 1851
Nomes vulgares
[editar | editar a fonte]Nos diferentes idiomas coñécese como "antílope real", "antílope anano" e "neotrago" (coas adaptacións pertinentes en cada lingua).[10][11]
A controvertida taxonomía dos neotraguinos
[editar | editar a fonte]Segundo Eva V. Bärmann, da Universidade de Cambridge, e o seu colega Tim Schikora, do Centro de Investigación da Biodiversidade e o Clima de Frankfurt, a pesar de que as especies de antílopes ananos se reuniron comunmente na tribo dos neotraguinos debido á súa aparencia morfolóxica xeral, as análises filoxenéticas demostraron que non todos están estreitamente relacionados, polo que suxeriron restrinxir o nome de Neotragini ao xénero tipo Neotragus. No seu estudo utilizaron secuencias do citocromo b mitocondrial e medicións lineais do cranio para investigar máis a fondo a similitude das tres especies de Neotragus. Estas análises apoian a estreita relación de N. moschatus e N. batesi. Porén, N. pygmaeus, a especie tipo —que nunca antes se incluíra nas análises filoxenéticas— non está estreitamente relacionada. Segundo estes autores, podería compartir un antepasado común máis recente con outro "antílope anano", o Oreotragus oreotragus, e cos duiqueros do taxon Cephalophini. Polo tanto, suxeriron resucitar o xénero Nesotragus Von Dueben, 1846 para Nesotragus moschatus e N. batesi, e deixando a Neotragus pygmaeus como a única especie do xénero.[15]
Notas
[editar | editar a fonte]- ↑ 1,0 1,1 1,2 IUCN SSC Antelope Specialist Group (2016): Neotragus pygmaeus na Lista vermella da UICN. Versión 2018-1. Consultada o 23 de outubro de 2018.
- ↑ 2,0 2,1 Neotragus pygmaeus en MSW.
- ↑ Neotragus pygmaeus (Linnaeus, 1758) no ITIS.
- ↑ Kingdon, J.; Happold, D.; Butynski, T.; Hoffmann, M.; Happold, M. and Kalina, J. (2013): Mammals of Africa. Volume VI: Pigs, Hippopotamuses, Chevrotain, Giraffes, Deer and Bovids. London, UK: Bloomsbury. p. 206. ISBN 978-1-4081-2257-0.
- ↑ Ganeri, A. and Gibbs, B. (1990): Nature Facts & Lists (Omnibus ed.). London, UK: Usborne. p. 40. ISBN 978-0-7460-0646-7.
- ↑ Soest, P. J. V. (1994): Nutritional Ecology of the Ruminant (2nd ed.). Ithaca, New York (USA): Cornell University Press. p. 29. ISBN 978-0-8014-2772-5.
- ↑ East, R. (1999): African antelope database 1998. Gland, Switzerland: IUCN Species Survival Commission. pp. 269–70. ISBN 978-2-8317-0477-7.
- ↑ Rafferty, J. P. (2011): Grazers (1st ed.). New York, USA: Britannica Educational Publications. pp. 93–94. ISBN 978-1-6153-0336-6.
- ↑ Kilson, M. (1976): Royal Antelope and Spider: West African Mende Tales. Cambridge, UK: Press of the Langdon Associates. p. 42. ISBN 978-0-9167-0401-8.
- ↑ 10,0 10,1 10,2 Haltenorth & Diller 1986, p. 47..
- ↑ 11,0 11,1 11,2 Dorst & Dandelot 1973, p. 264..
- ↑ 12,0 12,1 Groves, C. & Grubb, P. 2011, pp. 144-147.
- ↑ pygmy no Online Etymology Dictionary.
- ↑ pygmy en wordcentral.com, tirado do Merriam-Webster's Student Dictionary.
- ↑ Eva V. Bärmann and Tim Schikora (2014): "The polyphyly of Neotragus – Results from genetic and morphometric analyses". Mammalian Biology 79 (4): 283-286.
Véxase tamén
[editar | editar a fonte] |
Wikimedia Commons ten máis contidos multimedia na categoría: Neotragus pygmaeus  |
 |
Wikispecies posúe unha páxina sobre: Neotragus pygmaeus |
Bibliografía
[editar | editar a fonte]- Dorst, J. & Dandelot, P. (1973): Guía de campo de los mamíferos salvajes de África, Barcelona: Ediciones Omega, S. A.
- Groves, C. & Grubb, P. (2011): Ungulate Taxonomy. Baltimore, Maryland, USA: Johns Hopkins University Press. ISBN 978-1-4214-0093-8.
- Groves, C. P. et al. (2011): "Family Bovidae (Hollow-horned rumiants)". In: Wilson, D. E. & Mittermeier, R. A. eds (2011): Handbook of the Mammals of the World. Volume II. Hoofed Mammals. Barcelona: Lynx edicions. ISBN 978-84-96553-77-4.
- Haltenorth, T. & Diller, H. (1986): A Field Guide of the Mammals of Africa including Madagascar. Londres: William Collins Sons & Co Ltd. ISBN 0-00-219778-2.
- VV.AA. (1986): Natura. Enciclopedia de los animales. Tomo II. Los primates. Los ungulados. Barcelona: Ediciones Orbis, S.A. ISBN 84-7634-752-9.
- Wilson, D. E., & Reeder, D. M., editors (2005): Mammal Species of the World: A Taxonomic and Geographic Reference (3rd ed.). Baltimore, Maryland, USA: Johns Hopkins University Press. ISBN 978-0-8018-8221-0.
