Pedro Varela Ulloa
| Biografía | |
|---|---|
| Nacemento | 9 de xaneiro de 1737  Vilareda, España |
| Morte | 10 de xuño de 1797 (60 anos) Aranjuez, España |
| Actividade | |
| Ocupación | político |
Pedro Benito José Sánchez Varela Ulloa Noguerol, nado en Vilareda (Palas de Rei) o 9 de xaneiro de 1737 e finado en Aranjuez o 10 de xuño de 1797, foi un político galego.
Traxectoria
[editar | editar a fonte]Fillo de Pedro Antonio Joseph Ventura Sánchez Varela Ulloa, comisario de provincia de Mariña en Pontevedra, e Teresa Noguerol Varela. Foi subdelegado da Xunta Xeral do Comercio e Moeda de Pontevedra. En 1795 era conselleiro de Estado, sendo ministro gobernador do Consello de Indias. O rei Carlos IV nomeouno, logo de desempeñar o cargo de secretario de Mariña durante os anos de 1795 e 1796, secretario de Estado e do despacho universal de Facenda o 28 de outubro de 1796. Permaneceu no posto ata o momento do seu pasamento, acontecido o 10 de xuño de 1797. Foi membro da Real Academia da Historia dende 1782, acadando o cargo de Tesoureiro; cabaleiro da Real e distinguida Orde de Carlos III; do Consello da Súa Maxestade; e membro da Real Sociedade Económica de Amigos do País de Santiago.
Vida persoal
[editar | editar a fonte]Casou en Madrid coa súa sobriña María Escolástica Flórez Varela, filla da súa irmá Vicenta.
Notas
[editar | editar a fonte]Véxase tamén
[editar | editar a fonte]Bibliografía
[editar | editar a fonte]- Perona Tomás, Dionisio A. (2018). "Pedro Sánchez Varela y Ulloa". Diccionario Biográfico Español. Real Academia da Historia.
