Pica dos prados

Adulto.

Pouco preocupante

Reino:	Animalia
Filo:	Chordata
Clase:	Aves
Orde:	Paseriformes
Familia:	Motacílidos
Xénero:	Anthus
Especie:	A. pratensis

Nome binomial

Anthus pratensis
(Linnaeus, 1758)

Subespecies

Anthus pratensis pratensis
Anthus pratensis whistleri

A pica dos prados^[1] (Anthus pratensis) é un paxaro paseriforme da familia dos motacílidos.

Distribución

A súa distribución é paleártica, habitando en terreos abertos, prados, cultivos e tundras. É migratoria e aniña na metade norte de Europa e Asia. Inverna no sur de Europa, no norte de África e no sur de Asia. Reside de forma permanente en Países Baixos, Reino Unido e Francia.

Comportamento e reprodución

Aliméntase de insectos e dalgunhas sementes. Normalmente desprázase polo chan e fai voos curtos. Constrúe o niño con palla e musgo directamente no chan. O período de cría vai dende abril a xuño. A femia pon xeralmente dúas niñadas de catro ou seis ovos de cor gris que choca durante dúas semanas aproximadamente. As crías son alimentadas por ambos proxenitores durante 12-14 días. A pica dos prados é vítima da conduta reprodutiva parasitaria do cuco.

Subespecies

Distínguense dúas subespecies de Anthus pratensis:

Anthus pratensis pratensis Linnaeus, 1758
Anthus pratensis whistleri Clancey, 1942

Galería de imaxes

Pica dos prados empoleirado nun rolo de cordel.
Niño con ovos.
Pitiños no niño.
Pica dos prados sobre a herba.
Ovo.
Cuculus canorus canorus + Anthus pratensis - Museum specimen

Notas

↑ Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 04 de agosto de 2016.

Este artigo sobre aves é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Conde Teira, M. A. (1999). "Nomes galegos para as aves ibéricas: lista completa e comentada" (PDF). Chioglossa (A Coruña) 1: 121–138. Arquivado dende o orixinal (PDF) o 15 de marzo de 2016. Consultado o 04 de agosto de 2016.

[1]