Samuel Colt
![]() ![]() | |
Biografía | |
---|---|
Nacemento | 22 de xullo de 1814 ![]() Hartford, Estados Unidos de América ![]() |
Morte | 10 de xaneiro de 1862 ![]() Hartford, Estados Unidos de América ![]() |
Lugar de sepultura | Cedar Hill Cemetery (en) ![]() ![]() |
Datos persoais | |
País de nacionalidade | Estados Unidos de América ![]() |
Actividade | |
Ocupación | inventor , enxeñeiro de deseño , artesán , emprendedor , fabricante de armas (pt) ![]() ![]() |
Lingua | Lingua inglesa ![]() |
Carreira militar | |
Rango militar | Coronel ![]() |
Familia![]() | |
Cónxuxe | Elizabeth Hart Jarvis Colt |
Fillos | Caldwell Hart Colt (pt) ![]() ![]() |
Pais | Christopher Colt (en) ![]() ![]() ![]() ![]() |
Premios | |
![]() ![]() ![]() |
Samuel Colt, nado o 19 de xullo de 1814 e finado o 10 de xaneiro de 1862, foi un inventor e empresario estadounidense soado pola súa participación na industria das armas.
Biografía
[editar | editar a fonte]Desde moi novo Colt mostrou grande interese polas armas e explosivos. Foi expulsado aos 16 anos do centro no que estudaba ciencias ao destruír parte do edificio durante un experimento. O seu pai, propietario dunha fábrica de tecidos de seda, enviouno nunha viaxe por mar ata a India. En Calcuta, Colt viu un primitivo modelo de revólver, cun mecanismo moi inseguro e pouco funcional. Ao volver aos Estados Unidos observou no barco un trinquete empregado para elevar a áncora e baseándose nel tallou en madeira un mecanismo para accionar o tambor do revólver.
Financiado polo seu pai, Colt creou un modelo funcional de revolver que patentou en Gran Bretaña e nos Estados Unidos en 1835 e 1836 respectivamente. Funda en Patterson, Nova Jersey. a Patterson Arms Manufacturing Company e produce un revólver de cinco disparos do calibre 36 de simple acción. A falta de investidores impídelle comprar maquinaria e os revólveres son fabricados a man polo que o seu prezo é moi alto e a compañía creba en 1842.
Colt inventa prototipos de cables para accionar minas mariñas a distancia para o goberno pero este perde o interese e Colt convence a Samuel Morse para empregar os seus descubrimentos no tendido do primeiro enlace telegráfico submarino entre Nova York e Coney Island en 1843.
Os Rangers de Texas ponse en contacto con Colt, impresionados polo seu primeiro revólver, para encargarlle 1.000 revólveres en 1847. Colt aprendera da súa anterior experiencia e aluga unha industria totalmente equipada para abaratar o custo de cada arma e deseña un novo modelo perfeccionado de seis disparos. Posteriormente Colt funda en Hartford, Connecticut a Colt's Firearms Company e deseña unha liña de montaxe en cadea con pezas estándar totalmente intercambiables entre si, algo totalmente novo na industria de armamento.
A industria de Colt creceu enseguida, sendo provedor de exércitos e particulares de todo o mundo e segue existindo hoxe en día. O seu modelo máis famoso foi posiblemente o revolver Colt 45 de simple acción, utilizado polo exército e actor invitado na maioría das películas do xénero do Oeste.
Véxase tamén
[editar | editar a fonte]![]() |
Commons ten máis contidos multimedia sobre: Samuel Colt |
Ligazóns externas
[editar | editar a fonte]- Samuel Colt Biografía (en inglés)