Trala guerra franco-prusiana, os prusianos obrigaron aos franceses a que, polo tratado de Frankfurt, lles cederan o territorio, entre outros, do Haut-Rhin, a maioría do cal se someteu ao tratado, agás unha pequena parte situada no suroeste: o territorio próximo á cidade de Belfort. Ademais de pola resistencia que opuxeron aos "invasores" do leste, o feito de que os seus habitantes coñeceran mellor o francés que o alemán supuxo que o territorio non se anexionara e ficara en dominio francés. Tras varios anos cun status especial, o Territorio de Belfort converteuse no nonaxésimo departamento francés en 1922.
A principal cidade é Belfort, que, segundo o censo de 1999, tiña 50.417 habitantes no municipio, e 81.524 na aglomeración, a cal desborda os límites departamentais.
(1.247 m) 
