TiungSat-1
| TiungSat-1 / Mysat | |
|---|---|
| Tipo | Observación terrestre, experimental |
| Organización | Tiung |
| Contratistas principais | SSTL |
| Data de lanzamento | 26 de setembro de 2000[1][2][3] |
| Foguete portador | Dnepr[2][4] |
| Sitio de lanzamento | Cosmódromo de Baikonur[2][4][5] |
| Obxectivo da misión | Observación terrestre e proba de novas tecnoloxías.[2][4][5] |
| NSSDC ID | 2000-057D |
| Masa | 50 kg[4][2] |
| Datos orbitais | |
| Semieixo maior | 6959 km[1] |
| Inclinación | 64,5°[1] |
| Apoapse | 605,5 km[1] |
| Periapse | 571,1 km[1] |
TiungSat-1, tamén coñecido como Mysat, é un satélite artificial de Malaisia lanzado o 26 de setembro de 2000 a bordo dun foguete Dnepr desde o cosmódromo de Baikonur.[1][2][4][5]
Características
[editar | editar a fonte]TiungSat-1 é o primeiro satélite malaisio. Foi construído por SSTL no Centro Espacial de Surrey baixo un contrato de transferencia de coñecementos entre Reino Unido e Malaisia. Os obxectivos do satélite son facer observacións da superficie terrestre, probar comunicacións cun sistema de almacenamento e envío, probar un sistema de transferencia dixital de datos, probar un receptor GPS e levar a cabo un experimento de detección de raios cósmicos.[1][2][4][5]
TiungSat-1 usa frecuencias de radioafeccionado, polo que as imaxes que obtén da Terra poden ser accesibles desde equipos de radioafeccionado en terra. A alimentación eléctrica a proporcionan células solares que cubren os catro lados do satélite, xerando ata 35 W de potencia.[1][2][4][5]
Notas
[editar | editar a fonte]- ↑ 1,0 1,1 1,2 1,3 1,4 1,5 1,6 1,7 N2YO (2024). Real Time Satellite Tracking, ed. "TIUNGSAT 1" (en inglés). Consultado o 22 de agosto de 2024.
- ↑ 2,0 2,1 2,2 2,3 2,4 2,5 2,6 2,7 NASA (28 de outubro de 2022). "Tiungsat 1" (en inglés). Consultado o 22 de agosto de 2024.
- ↑ "Note verbale dated 18 January 2002 from the Permanent Mission of Malaysia to the United Nations (Vienna) addressed to the Secretary-General" (PDF) (02-50720 (E)). 24 de xaneiro de 2002: 3. Consultado o 22 de agosto de 2024.
- ↑ 4,0 4,1 4,2 4,3 4,4 4,5 4,6 Gunter Dirk Krebs (2024). Gunter's Space Page, ed. "TiungSat 1 (MySat 1, Malaysian-OSCAR 46, MO 46)" (en inglés). Consultado o 22 de agosto de 2024.
- ↑ 5,0 5,1 5,2 5,3 5,4 Mark Wade (2024). "TiungSat 1" (en inglés). Consultado o 22 de agosto de 2024.
