Torás, A Laracha

Torás
	Capela de San Roque.
Concello	A Laracha
Provincia	A Coruña
Coordenadas	43°15′14″N 8°35′08″O / 43.25386359, -8.585592031
Área	5 km²
Poboación	3.852 hab. (2018)
Densidade	770,4 hab./km²
Entidades de poboación	20
	[ editar datos en Wikidata ]

San María de Torás é unha parroquia que se localiza no norte do concello coruñés da Laracha na comarca de Bergantiños. Segundo o padrón municipal de 2018 tiña 3 852 habitantes (1 895 homes e 1 957 mulleres) distribuídos en 12 entidades de poboación, o que supón un aumento en relación ao ano 2004 cando tiña 2 746 habitantes (1 416 mulleres e 1 330 homes).

Xeografía

Nesta parroquia atópase a capital municipal, A Laracha. Está situada entre os dous núcleos industriais da zona, Arteixo e Carballo; ademais está próxima á cidade da Coruña e ben comunicada a través da AG-55 e da AC-552.

Estas circunstancias fixeron que experimentase un aumento nos últimos 10 anos, tanto no terreo económico como no de poboación. O crecemento vese reflectido no nivel de servizos dos que dispón: culturais (Casa da Cultura, Biblioteca, Servizos Múltiples...), instalacións deportivas (Polideportivo municipal, Polideportivo IES Agra de Leborís, Piscina Municipal climatizada, Campo de fútbol...), zonas verdes (Área de Ocio Maximino Canedo, O Recreo, Prazas e parques...) e áreas de recreo (Área de Recreo e Praia Fluvial de Gabenlle, Paseo Fluvial de Gabenlle).

Patrimonio

A parroquia ten dúas igrexas: a de Santa María de Torás, do século XIX e a igrexa parroquial de Torás, do século XX, ademais da capela de San Roque e Santo Antóno, na torre de Cillobre, situada no lugar das Torres de Cillobre.

Lugares e parroquias

Lugares de Torás

Lugares da parroquia de Torás no concello da Laracha (A Coruña)
A Barreira \| O Campo \| A Cheda \| Estramil \| O Froxo \| Gabenlle \| A Gándara \| A Ganduma \| Guilfoi \| A Laracha \| Leborís \| A Miñoteira \| Mirón \| A Ponte \| A Portela \| Riotorto \| Torás \| As Torres de Cillobre \| Troa \| Vilasuso

Parroquias da Laracha

Galicia \| Provincia da Coruña \| Parroquias da Laracha
Cabovilaño (San Román) \| Caión (Santa María do Socorro) \| Coiro (San Xián) \| Erboedo (Santa María) \| Golmar (San Bieito) \| Lemaio (Santa Mariña) \| Lendo (San Xián) \| Lestón (San Martiño) \| Montemaior (Santa María Madanela) \| Soandres (San Pedro) \| Soutullo (Santa María) \| Torás (Santa María) \| Vilaño (Santiago)

Notas

↑ ^1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

Véxase tamén

Bibliografía

Parroquias de Cabovilaño, Torás e Vilaño. Andando por Bergantiños. Instituto de Estudos Bergantiñáns. 2016.

Outros artigos

Lugares da Laracha

[nomenclátor-1] 1,0 ^1,1 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.

[1]