Universidade Ramon Llull
| Universidade Ramon Llull | |
|---|---|
| Tipo | universidade privada |
| Data de fundación | 1 de marzo de 1990 |
| Nomeado en referencia a | Ramon Llull |
| Nº de membros | 1.587 (2022)  |
| Localización | |
| Enderezo | Claravall, 1-3 (català) |
| En | Sant Gervasi-la Bonanova |
| País | España |
| 41°24′42″N 2°07′59″L / 41.411583333333, 2.1329166666667 | |
| Na rede | |
| https://www.url.edu | |
     | |
| [ editar datos en Wikidata ] | |
A Universidade Ramon Llull (en catalán: Universitat Ramon Llull) é unha universidade privada de inspiración cristiá situada en Barcelona, Cataluña (España), nomeada así en recordo do beato Ramon Llull.
Historia
[editar | editar a fonte]Foi fundada o 1 de marzo de 1990 e aprobada polo Parlamento de Cataluña o 10 de maio de 1991. As súas institucións fundadoras foron:
- Facultade de Filosofía da Universidade Ramon Llull, cuxo orixe remontar ao século pasado.
- Instituto Químico de Sarrià (IQS), que iniciou as súas actividades universitarias o ano 1916.
- Fundación Blanquerna, fundada en 1948.
- Enxeñería e Arquitectura La Salle con máis de cen anos de existencia.
O 10 de outubro de 1989 estas institucións, baixo a presidencia do Cardeal Narcís Jubany e xunto á Fundación Círculo de Economía e o apoio de personalidades representativas da sociedade civil catalá, constituíron a fundación que creou a universidade: Universidade Ramon Llull Fundación Privada. Actualmente a Fundación ostenta o goberno supremo da URL a través do seu padroado.
Desde a súa constitución, a URL tivo unha estrutura de federación que potencia a personalidade dos centros que a integran. Nos seus anos de existencia, a Universidade Ramon Llull estendeu progresivamente as súas actividades e foi integrando ás seguintes novas institucións federadas, ata alcanzar as 10 institucións que actualmente a compón:[1]
- Observatorio do Ebro.
- ESADE (Escola Superior de Administración e Dirección de Empresas).
- Facultade de Educación Social e Traballo Social Pere Tarrés.
- Instituto Universitario de Saúde Mental Vidal i Barraquer.
- Instituto Borja de Bioética.
- Turismo Sant Ignasi (TSI).
Como centro asociado, atópase a Escola Superior de Deseño (ESDI).
Froito desta evolución foi a creación de novas facultades e escolas así como a ampliación da oferta de estudos ata, actualmente, 46 titulacións. A partir do curso 2006/2007 a Universidade Ramón Llull empezou a ofrecer estudos de posgrao oficiais dentro do marco do Espazo Europeo de Educación Superior.
Notas
[editar | editar a fonte]- ↑ "Institucións federadas da URL". Arquivado dende o orixinal o 07 de setembro de 2011. Consultado o 10 de novembro de 2011.
