Vivien Leigh

Vivien Leigh
	; (1939)
Biografía
Nacemento	(en) Vivian Mary Hartley ; 5 de novembro de 1913 ; Darjeeling (India)
Morte	8 de xullo de 1967 (53 anos); Eaton Square, Reino Unido (en)
Causa da morte	tuberculose
Educación	Royal Academy of Dramatic Art - Actuación (–1934); Woldingham School (pt) ; Loreto Convent (en)
Actividade
Ocupación	actriz de cinema, actriz de teatro, actriz
Período de actividade	1935 -
Familia
Cónxuxe	Laurence Olivier (1940–1960); Herbert Leigh Holman (1932, 1931–1940)
Parella	John Merivale (1960–1967)
Fillos	Suzanne Farrington; () Herbert Leigh Holman
Pai	Ernest Richard Hartley
Premios
	(1963) Tony Award de melhor atriz em musical (pt) ; (20 de marzo de 1952) Óscar á mellor actriz, premiado polo traballo A Streetcar Named Desire (pt) ; (29 de febreiro de 1940) Óscar á mellor actriz, premiado polo traballo Foise co vento; estrela no Paseo da Fama de Hollywood ;
	Sinatura
Descrito pola fonte	Obálky knih, ; A historical dictionary of British women (en) , (p.273)

Vivian Mary Hartley, nada en Darjeeling, India o 5 de novembro de 1913 e finada en East Sussex o 8 de xullo de 1967, foi unha actriz de cinema e teatro británica.

Traxectoria

Naceu na St. Paul’s School en Darjeeling, India, filla dun oficial de cabalería inglés. Con seis anos foi enviada a estudar ao Reino Unido. Cando contou aos seus pais que desexaba converterse en actriz, apuntárona na Royal Academy of Dramatic Art de Londres.

En 1932 casou cun compañeiro, trece anos maior, Leigh Holman, e pouco despois debutou cun pequeno papel nun filme e conseguiu un axente. Este foi quen lle suxeriu que o nome de “Vivian Holman” non era axeitado, decidíndose a usar como nome artístico “Vivien Leigh”, collendo o nome de pía do seu marido.

Grazas a participar en producións de Alexander Korda coñeceu a Laurence Olivier, co que comezou un romance mentres actuaban en 1937 en Fire Over England, mentres aínda ámbolos dous estaban casados.

En 1939 interpretou o papel de Scarlett O’Hara en Foise co vento, que lle valeu o seu primeiro Óscar.

En 1940, casou con Laurence Olivier en Santa Barbara, California. Volveron a Europa en 1943, onde Leigh actuaría para os soldados, antes de pasar unha tempada no hospital por tuberculose. Ao pouco tempo sufriu tamén un aborto que a levaría a unha fonda depresión.

En 1946 volveu ao traballou con obras de éxito, como A Streetcar Named Desire, de Tennessee Williams. Repetiría o personaxe de Blanche DuBois na versión cinematográfica, coa que gañou de novo o oscar, entre outros premios.

Nos anos seguintes a súa saúde empeorou, así como a súa relación con Olivier, do que se divorciou en 1960. A pesar da axuda da súa nova parella, o actor Jack Merivale acabou volvendo a tuberculose e finou en 1967.

Filmografía

Ano	Filme
1935	The Village Squire
1935	Things are looking up
1935	Look Up and Laugh
1935	Gentlement’s Agreement
1937	Fire Over England
1937	Dark Journey
1937	Storm in a Teacup
1938	A Yank at Oxford
1938	Sidewalks of London
1939	Foise co vento
1940	21 Days
1940	Waterloo Bridge
1941	That Hamilton Woman
1945	Caesar and Cleopatra
1948	Anna Karenina
1951	A Streetcar Named Desire
1955	The Deep Blue Sea
1961	The Roman Spring of Mrs. Stone
1965	Ship of Fools

Véxase tamén

Ligazóns externas

Vivien Leigh na IMDb (en inglés).