Ojehaihína James Cook

{{Ficha de persona
| hijos = James, Nathaniel, Elizabeth, Joseph, George, Hugh
}}
'''James Cook''' ([[Ingyatérra]], [[7 jasypateĩ]] [[1728]] - [[Haguáii]], [[14 jasykõi]] [[1779]]) ha'e akue peteĩ [[ygarata sãmbyhyhára]], yvyra'anga apohára ha kapitã ''[[Royal Navy]]'' pegua (ygarataty ñorairõha Tavetã Joaju pegua).<ref name=BRIT>{{cita web|apellidos1=Alan John Villiers|título=James Cook; Biography, Voyages, Death|url=https://www.britannica.com/biography/James-Cook|obra=Encyclopedia Britannica|idioma=En|fechaacceso=23 de abril de 2018}}</ref> Cook ojapo yvyra'anga oĩmbaitéva ojehechahápe pe [[ypa'ũ Terranova]] oho mboyve mbohapy jey [[Paraguasu Py'aguapy|paraguasu Py'aguapýpe]], upe aja oiko ichugui pe Europagua ohecha raẽ [[Autarália]] rembe'y kuarahyresẽygua ha ypa'ũnguéra [[Haguáii]], upe aja avei ojere raẽ ygarupápe [[Selánda Pyahu]] rehe. 

Cook imitãrusu aja oike ygarata oñemúva atýpe ha upéi oho omba'apo Tavetã Joaju ygarataty ñorairõhápe 1755 jave. Oikokuévo pe [[Pokõi Ary Ñorairõ]] (1756-1763), ha'e omoha'anga kuatiápe [[ysyry San Lorenzo]] ñesẽha tuichakue, ku hembiapokue rupive imburuvichakuéra ohechakuaa ichupe. Upévare ary 1766 jave oñeme'ẽ ichupe oisãmbyhy hag̃ua pe ygarata hérava ''[[HMB Endeavour]]'' ha upéicha oho raẽ paraguasu Py'aguapýpe.

Ohasa aja paraguasu Py'aguapy rupive, Cook oguahẽ tenda araka'eve ni peteĩ Europagua ambuéva ndohupytyihápe, omoha'anga porãite kuatiápe Selánda Pyahu ha Haguáii yvy, upe peve ndaijojahái hembiapokue. Ombohéra ohokuévo yvykuéra ha ypa'ũ héra ndojeikuaáiva. Upe rupi ojehechakuaa Cook ikatupyryiteha ygarata ñesãmbyhýpe ha [[Yvyra'anga apo|yvyra'anga apópe]], ipy'aguasuiteha ha iñaranduha oisãmbyhykuaágui iñirũnguéra jehasa'asýre paraguasúpe. 

Cook omano 1779 jave, ohokuévo mbohapy jeýpe paraguasu Py'aguapýpe, ojejuka ichupe ondyrykuévo peteĩ Haguáii ypa'ũre, oñemomba'eségui pe ypa'ũ mburuvichavete rehe, [[Kalaniʻōpuʻu]], peteĩ yga'i imba'éva oĩgui upe ypa'ũme. Hembiejakue ituichaite ha heta oipytyvõ [[Tembikuaaty|tembikuaatýpe]] ha [[Yvyapekuaa|yvyapekuaápe]].

== Mandu'apy ==
{{listaref}}

[[Ñemohenda:Tekove Tavetã Joajugua]]