Frida Kahlo
| Frida Kahlo | ||
|---|---|---|
 | ||
| Mba'érepa omano | Bronconeumonía | |
| Hetã | Méhiko | |
| Hembiapo | Artista, pintora ha activista | |
| Jokuaikuaa rape | tupãre ndojeroviáiva | |
| Omendáva | Diego Rivera (1929) | |
| Itúva ha isy |
Matilde Calderón Guillermo Kahlo | |
Firma | ||
| [editar datos en Wikidata] | ||
Magdalena Carmen Frida Kahlo Calderón (Táva Méhiko; 6 jasypokõi 1907-13 jasypokõi 1954),[1] ojekuaáva chupe oparupi Frida Kahlo ramo, ha'e akue ñemongolo apohára Méhiko pegua herakuãitéva iñemoha'angáre ojehechahápe mba'éichapa ha'e oiko ha mba'éichapa oiko hetã rekoha.[2] Hembiapokue niko omombe'u hekove rembiasa ha pe ombohasa'asýva chupe. Ojapo 150 tembiapokue, tuichaitépe oñemoha'anga ijehegui, umi ta'angápe ojehechahápe hasyite chupe oikove hag̃ua.
Ohasa asy hekove pukukuévo ojehu sapy'águi mba'e vai chupe imitãrõ ha heta ára aja oñeno va'erã hupápe ikangýgui, upévare ohasa va'erã 32 pireñekytĩ rupive oñepohano porãve hag̃ua.[3] Ha'e niko oiko hekope'ỹ, hekove ijojaha'ỹva.[3] Frida ha iména rembiapokue, ñemongolo apohára Diego Rivera, oñomokyre'ỹ hikuái. Ohayhuite hikuái Méhiko ypykue rembiapoporã ha ogueraha hembiapokuépe umi mba'e, upéicha avei omokyre'ỹ hikuái tembiapoporã apohára ambuéva Méhiko retãme.
Ary 1939-pe oho Hyãsia retãme ohechauka hag̃ua hembiapokue, karai André Breton ojerurégui chupe, ha'e niko he'i Kahlo-pe ha'angakuéra reko «surrealista», Kahlo katu he'i chupe ndaha'éiva upéicha hembiapokuépe nomoha'angáigui umi mba'e képe ojehecháva, omoha'anga katu hekove tee. Oikove aja hetaite tembiapoporã apoha omomorã chupe, techapyrãme Pablo Picasso, Vasili Kandinski, André Breton, Marcel Duchamp, Tina Modotti ha Concha Michel, ko'ýte herakuã porãve hembiapokue ha'e omano rire, tuichaitépe 1980 arykuéra pukukuévo ha 1990 arykuéra ñepyrũme.
Mandu'apy
[jehaijey | emoambue kuatia reñoiha]- ↑ «El Corazón de Frida - Magdalena Carmen Frida Kahlo Y Calderón 1907-1954». Ojehechákuri árape: 4 de abril de 2017.
- ↑ Barragán, Almudena (13 de julio de 2017). «La muerte de Frida Kahlo, el nacimiento de un icono pop». El País. Ojehechákuri árape: 22 de mayo de 2021.
- ↑ 3,0 3,1 «La vida de Frida Kahlo». Ojehechákuri árape: 4 de abril de 2014.
Joajuha
[jehaijey | emoambue kuatia reñoiha]
Wikimedia Commons oguereko ta'ãnga Frida Kahlo reheguaCommons.