Havõ
Havõ ha'e hína mba'e ryjúi, jejapopyre mba'e kyrakuégui ojehe'áva álkali ha mba'e itaysýicha ambue rehe ha ojeporúva jejohéirã ha ñemopotĩrã. Ko'ãga yvypóra oipuru havõ ojejohéi hag̃ua, ojepohéi ha ojejovahéi hag̃ua avei, ikatu oipuru ojaojohéi térã omopotĩ oimeraẽ tembiporu ambuéva, ko'ãga avei yvypóra ojapo opaichagua havõ, oĩ upéva hatãva ha oĩ hykuéva avei. Ymaguare guive yvypóra ojapo havõ ombojoparávo kyrakue, tanimbu, ka'avokuéra térã mba'e ambuéva, oĩ va'ekue avei tapicha oipuru ñandyry.
Tekotevẽ ojepohéi porã havõ reheve ojekaru mboyvemi térã ojejapo jave tembi'u, avei oñesẽ rire váñogui térã oñemopotĩ rire peteĩ mitã, havõ oipytyvõgui omosẽ hag̃ua oimeraẽ mba'e iky'áva, mba'e ijaréva ha mymbachu'ĩ oporombohasýva.
Joaju
[jehaijey | emoambue kuatia reñoiha]
Vikiñe'ẽndýme ikatu rehecha mba'épa he'ise Havõ.- Havõ ñepyrũ
