Gitar
She greie kiaullee cleeah strengit eh yn gitar ny yn gytayrn. Dy cadjin, ta shey streng er y ghitar. T'eh goll er reayll ec callin y chloieder as t'eh goll er chloie liorish mairaghey ny pluckey ny strengyn lesh y laue s'troshey tra ta mairyn y laue elley broojey er strengyn er lheh noi ny cleeahyn. Foddee figgeen ny pluggaghyn mair y ymmyd dy woalley ny strengyn. Ta sheean y ghitar tilgit dy sheeanoil, liorish shamyr aavuilltagh er y ghreie, ny ve mooadit liorish glackeyder lectraneagh as mooadagher.
Ta'n gitar coontit myr coyrdvane - t'eh shen, ta'n sheean goll er ghientyn liorish streng craaynagh ta sheeynit magh eddyr daa vaare shickyr. Dy shendeeagh, ta'n gitar er ny ve jeant ass aamaid as ta ny strengyn er ny ve jeant ass collane. Va strengyn gitar jeant ass staillin currit stiagh ec jerrey y nuyoo eash jeig ayns ny Steatyn Unnaneysit;[1] haink strengyn neelane magh ayns ny 1940yn.[1] Ta roie-immeeaghtyn y ghitar goaill stiagh y gittern, y vihuela, gitar kiare-choorse yn Aaruggyr, as y gitar baroque queig-choorse. Ta ny gitaryn shen er chur rish lhiassaghey yn greie shey-strengit noa-emshyragh.
Imraaghyn
[reagh | edit source]- ↑ a b Somogyi, Ervin (7 Jerrey Geuree 2011). "Tracking The Steel-String Guitar's Evolution, Pt. 1". premierguitar.com. Premier Guitar Magazine. Feddynit magh er 27 Toshiaght Arree 2021.
 |
She bun ta'n art shoh. Cur rish, son foays y yannoo da Wikipedia. |