Location via proxy:   [ UP ]  
[Report a bug]   [Manage cookies]                
Jump to content

William Lassell

Ass Wikipedia.
William Lassell

Ruggit 18 Mean Souree 1799
Bolton, Sostyn
Hooar baase 5 Jerrey Fouyir 1880
Maidenhead, Sostyn
Ynnyd beaghee Lerphoyll
Seyraanaght Reeriaght Unnaneysit y Vretyn Vooar as Nerin
Reeriaght y Vretyn Vooar
Reeriaght Unnaneysit
Çhengey Baarle
Keird rollageyder · fishigagh · marçhan
Mie er enney son Feddynys ny h-eaystyn Triton, Hyperion, Ariel as Umbriel
Olteynys boayrd y Çheshaght Reeoil
Aundyryn
slane rolley

She marçhan as rollageyder Sostynagh va William Lassell (18 Mean Souree 1799 – 5 Jerrey Fouyir 1880).[1][2][3][4][5] Ta enney share er kyndagh rish ny lhiassaghyn ren eh da'n odreayrtan aahoilshagh as ny kiare eaystyn ren eh feddyn magh.

Beashnys

[reagh | edit source]

Va Lassell ruggit ayns Bolton, Lancashire, er 18 Mean Souree 1799. Hoshiaght, v'eh ynsit ayns Bolton as eisht ayns Rochdale Academy.[6] Lurg baase e ayr, ren eh cur stiagh y phrindeysaght eddyr 1814 as 1821 lesh marçhan ayns Lerphoyll. Ren eh e verçhys myr imleyder lhionney, lhig da goaill soylley jeh'n anaase echey 'sy rollageydys. Hrogg eh reayrtlann ec e hie "Starfield" ayns West Derby, fo-valley Lerphoyll raad hrogg eh fodreayrtan aahoilshagh scaane meainagh 24 trieyn (610 mm) er croa. Chroo eh ymmyd kione-raadagh da shasstan meanchiarkylagh cour lorgey nheeghyn as y Chruinney çhyndaa. Vlieh as ghloasee eh yn scaane eh hene, goaill ymmyd jeh greieyn va jeant echey. Ny s'anmey va'n reayrtlann scughit ny s'odjey magh voish Lerphoyll, dys Bradstone.

Ayns 1846, ren Lassell feddyn magh Triton, yn eayst smoo jeh Neptioon, 17 laaghyn lurg feddynys Neptioon hene liorish y rollageyderyn Germaanagh Johann Gottfried Galle, goaill ymmyd jeh'n ghreie hene-troggit echey.[7][8][9] Ayns 1848, ren eh co-gheddyn magh dy seyr Hyperion, eayst Harn.[8][10] Ayns 1851 ren eh feddyn magh Ariel as Umbriel, daa eayst jeh Uraanus.

Ayns 1855, hrogg eh fodreayrtan 48 trieyn (1,200 mm), hoie eh 'sy Valta kyndagh rish yn emshir va ny share da'n vaght ayn na v'eh ayns Sostyn vodjallagh. Erreish da ren eh çheet er-ash dys Sostyn lurg shiartanse dy vleeantyn 'sy Valta, darree eh dys Maidenhead raad ren eh obbraghey er e odreayrtan 24 trieyn (610 mm) ayns reayrtlann ayn. Va'n fodreayrtan 48 trieyn jeepheeshit as brisht fy yerrey.[11] Va'n fodreayrtan 24 trieyn scughit dys y Reayrtlann Reeoil, Greenwich ayns ny 1880yn, agh v'eh jeepheeshit chammah fy yerrey.[8]

Va Lassell ny Oltey Sheshey jeh Sheshaght Reeoil y Rollageydys (FRAS) voish 1839, chossyn eh Boyn Airhey Heshaght Reeoil y Rollageydys ayns 1849, as v'eh ny eaghtyrane feie daa vlein goaill toshiaght ayns 1870.[12] V'eh reiht myr Oltey Sheshey yn Çheshaght Reeoil (FRS) ayns 1849 as chossyn eh yn Boyn Reeoil ayns 1858. Chammah's shen, va Lassell ny Oltey Sheshey ayns Sheshaght Reeoil y Lettyraght (FRSL).[13] Harrish shen, v'eh reiht myr Oltey Sheshey onnoroil Heshaght Reeoil Ghoon Edin (HonFRSE) as Heshaght Oaylleeaghtyn Upsala, as hooar eh keim LL.D. onnoroil voish Ollooscoill Cambridge ayns 1874.[14]

Hooar Lassell baase ayns Maidenhead ayns 1880 as t'eh oanluckit ec Keeill Lukys.[15] Er keayrt e vaaish, daag eh berçhys er £80,000 (corrym as £8,500,000 ayns 2021). Va e odreayrtan giootit da'n Reayrtlann Reeoil ayns Greenwich.

Ta'n slogh cruinn Lassell er yn Eayst, yn slogh cruinn er Mart, y roltageagh 2636 Lassell as nane jeh fainaghyn Neptioon enmyssit ass. Ec Ollooscoill Lerphoyll ta aundyr William Lassell bronnit er y scollag ta geddyn keim 'sy chlaare B.Sc. ayns Fishig marish y Rollageydys lesh ny troaryn s'yrjey dagh blein.[16][17]

Imraaghyn

[reagh | edit source]
  1. ↑ AN 98(1881) 108 (Germaanish)
  2. ↑ "William Lassell" (1881). Monthly Notices of the Royal Astronomical Society. Ym-lioar 41: 188–191. doi:10.1093/mnras/41.4.188. Bibcode: 1881MNRAS..41..188.. 
  3. ↑ Huggins, Margaret Lindsay (1880). "The late Mr. William Lassell, LL.D., F.R.S.". The Observatory. Ym-lioar 3: 587–590. Bibcode: 1880Obs.....3..586H. 
  4. ↑ "The Late Mr. Lassell" (1880). Astronomical Register. Ym-lioar 18: 284–285. Bibcode: 1880AReg...18..284.. 
  5. ↑ McFarland, John (2014). "Lassell, William". Ayns Hockey, Thomas; Trimble, Virginia; Williams, Thomas R. (rdyn.). Biographical Encyclopedia of Astronomers. York Noa: Springer Publishing. dgn. 1281–1283. ISBN 978-1-4419-9917-7.
  6. ↑ Biographical Index of Former Fellows of the Royal Society of Edinburgh 1783–2002 (PDF). The Royal Society of Edinburgh. 2006. ISBN 0-902-198-84-X. Er ny hashtey veih yn lhieggan bunneydagh (PDF) er 4 Mayrnt 2016. Feddynit magh er 23 Jerrey Souree 2016.
  7. ↑ Smith, Robert W. (1983). "William Lassell and the Discovery of Neptune". Journal for the History of Astronomy. Ym-lioar 14: 30–32. doi:10.1177/002182868301400102. Bibcode: 1983JHA....14...30S. 
  8. ↑ a b c "The Royal Observatory Greenwich – where east meets west: Telescope: The Lassell 2-foot Reflector (1847)". www.royalobservatorygreenwich.org. Feddynit magh er 28 Sauin 2019. {{cite web}}: Check date values in: |accessdate= (cooney)
  9. ↑ "William Lassell and the Ring of Neptune: a Case Study in Instrumental Failure" (1984). Journal for the History of Astronomy. Ym-lioar 15 (1): 1–17. doi:10.1177/002182868401500101. Bibcode: 1984JHA....15....1S. 
  10. ↑ "In Depth | Hyperion". NASA Solar System Exploration. Feddynit magh er 29 Sauin 2019. {{cite web}}: Check date values in: |accessdate= (cooney)
  11. ↑ Lassell, William (1877). "Mr. Lassell's Great Reflector". The Observatory. Ym-lioar 1: 178–179. Bibcode: 1877Obs.....1..178L. 
  12. ↑ Herschel, John (1850). "An Address Delivered at the Annual General Meeting of the Royal Astronomical Society, 9 Toshiaght Arree 1849, on Presenting the Honorary Medal to William Lassell, Esq. of Liverpool". Memoirs of the Royal Astronomical Society. Ym-lioar 18: 192–200. Bibcode: 1850MmRAS..18..192H. 
  13. ↑ On a Method of Supporting a large Speculum, free from sensible Flexure, in all Positions – Google Books
  14. ↑ "Former Fellows of the Royal Society of Edinburgh 1783–2002" (PDF). Sheshaght Reeoil Ghoon Edin. Er ny hashtey veih yn lhieggan bunneydagh (PDF) er 4 Mayrnt 2016.
  15. ↑ [1] HistoryTrail.pdf (St. Luke's Church)
  16. ↑ "Physics Pre-Graduation Event 2017". Olloo-rheynn Fishig, Ollooscoill Lerphoyll. Feddynit magh er 31 Jerrey Fouyir 2017.
  17. ↑ "Congratulations to all of our 2014 Physics graduates". Olloo-rheynn Fishig, Ollooscoill Lerphoyll. Feddynit magh er 31 Jerrey Fouyir 2017.

Kianglaghyn magh

[reagh | edit source]
Ta tooilley mean ayns Wikimedia Commons bentyn rish: William Lassell.
Feddynit ass "https://gv.wikipedia.org/w/index.php?title=William_Lassell&oldid=337253"