Alpski dźećel
| |
| Alpski dźećel (Trifolium alpinum) | |
| systematika | |
|---|---|
| Domena | Eukaryoty |
| Swět | Rostlinstwo |
| rjad: | (Fabales) |
| swójba: | Łušćinowcy (Fabaceae) |
| podswójba: | Mjetelojte kwěty (Faboideae) |
| ród: | Dźećel[1][2] (Trifolium) |
| sekcija: | Lotoidea |
| družina: | Alpski dźećel |
| wědomostne mjeno | |
| Trifolium alpinum | |
| L. | |
Alpski dźećel (Trifolium alpinum) je rostlina ze swójby łušćinowcow (Fabaceae), z roda dźećelow (Trifolium).
Warianće
[wobdźěłać | žórłowy tekst wobdźěłać]Alpski dźećel ma dwě warianće.
- var. alpinum
- var. nanum Rouy 1899
Wopis
[wobdźěłać | žórłowy tekst wobdźěłać]
Alpski dźećel je naha, wjacelětna, zelišćowa, bjezstołpikata rostlina, kotraž docpěje wysokosć mjezy 5 a 15 cm. Ma čopojty korjeń z dołhosću wot hač do 1 m.
Łopjena
[wobdźěłać | žórłowy tekst wobdźěłać]Łopjena su na spódku stejace, dołhostołpikate, 3-ličbne, ze šwižnymi łopješkami z dołhosću wot hač do 10cm. Łopješka su nahe.
Kćenja
[wobdźěłać | žórłowy tekst wobdźěłać]Wón kćěje wot junija hač do awgusta. Kćenja su zrunane, stołpikate, mjasočerwjene hač do purpurčerwjene, wonjate. Wone steja z kiwkatych, dołhostołpikatych hłójčkach. Króna docpěje dołhosć mjezy 15 a 25 cm a po překćěću je bruna. Keluch je hromadźe rosćeny, 10-nerwny, nahi a ma šwižne třiróžkate keluchowe kónčki.
Stejnišćo
[wobdźěłać | žórłowy tekst wobdźěłać]Alpski dźećel rosće na hłubokosahacych pódach, najčasćišo na silikatowej kamjeninje. Wón ma radšo małowapnate pódy. K jeho přirodnym stejnišćam liča seršćikotrawne a křiworěznowe trawniki .
Rozšěrjenje
[wobdźěłać | žórłowy tekst wobdźěłać]Alpski dźećel je wot sewejrošpaniskeje horinow hač do Siebenbürgen rozšěrjeny, ale faluje w sewjernych wapnowych Alpach Awstriskeje a Bayerskeje, a južnych wapnowych Alpach wuchodnje wot Sexten.
Wostatne
[wobdźěłać | žórłowy tekst wobdźěłać]Wotwar čopojteho korjenja bu w narodnej medicinje přećiwo nadrowym bolosćam wužiwany.
Tuta rostlinska družina je kaž pica woblubowana pola kruwow, wowcow, kamzykow a bobakow.
Nóžki
[wobdźěłać | žórłowy tekst wobdźěłać]- ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 109.
- ↑ W internetowym słowniku: Klee
Žórło
[wobdźěłać | žórłowy tekst wobdźěłać]- GU Maxi-Kompaß Blumen, ISBN 3-7742-3852-9, strona 111 (němsce)
