Bamako
| ||
| Zakładne daty | ||
|---|---|---|
| stat |  Mali
| |
| wysokosć | 330 metrow n.m.hł. | |
| wobydlerstwo | 1.800.000 (2009)[1] | |
[[Kategorija:Sydlišćo {{Info ISO-3166-2:Předłoha:Info ISO-3166-2:ML-BKO|lokatiw}}]]
Bamako je stolica a najwjetše město Malija w zapadnej Africe. Město nadeńdźe so na woběmaj bokomaj Nigera na juhozapadźe kraja. Měješe w lěće 2009 něhdźe 1,8 milionow wobydlerjow.
Geografija
[wobdźěłać | žórłowy tekst wobdźěłać]
Město leži w sahelowym pasmje při srjedźnym běhu tule něhdźe kilometer šěrokeje rěki Niger, kotruž přeprěča w Bamaku tři mosty. Klima je tropiska, tuž wučinja přerězna maksimalna temperatura mjez 30,8° C w awgusće a 38,7° C w aprylu. Minimalna temperatura leži w januarje pola 17,3° C a w meji pola 25,3° C. Dešćowy čas traje wot junija do spočatka oktobra, mjeztym zo so wot nowembra do měrca lědma dešćuje.
Stawizny
[wobdźěłać | žórłowy tekst wobdźěłać]Bamako bu kónc 16. lětstotka jako wikowanske stejišćo při brjoze Nigera załožene a měješe při dochadźe francoskeho wójska w lěće 1883 wokoło 600 wobydlerjow. Wot 1908 běše město knježerstwowe sydlišćo francoskeho guwernementa Horni Senegal a Niger. Po njewotwisnosći Malija wot Francoskeje w lěće 1960 sta so Bamako ze stolicu noweho stata.
Partnerske města
[wobdźěłać | žórłowy tekst wobdźěłać]Z lěta 1966 wobsteji tak mjenowane měšćanske přećelstwo mjez Lipskom a Bamakom. Dalše partnerske města su Angers we Francoskej, Rochester w Zjednoćenych statach a São Paulo w Brazilskej.
Žórła
[wobdźěłać | žórłowy tekst wobdźěłać]- ↑ INSTAT: Ludličenje 2009 (fr.)
Wotkaz
[wobdźěłać | žórłowy tekst wobdźěłać]
Commons: Bamako – Zběrka wobrazow, widejow a awdiodatajow