Daniela Kuge

Daniela Kuge (* 29. junija 1975 w Mišnje) je sakska politikarka Křesćansko-demokratiskeje unije (CDU) a wot lěta 2014 zapósłanča w sakskeho krajneho sejma. Wona je čłonka wuběrka za socialne, škit konsumentow, runostajenje a integraciju kaž tež peticiskeho wuběrka.

Při wólbach dnja 31. awgusta 2014 dósta we wólbnym wokrjesu Mišno 3 39,4 % wotedatych hłosow. Při wólbach 2019 a 2024 podleži kandidatej AfD Thomasej Kirste z 31,2 resp. 32,7 procentami, zaćahny pak přez krajnu lisćinu CDU do sejma.

Kuge je wukubłana farmaceutisko-techniska asistentka. Wona je zmandźelena a ma jedne dźěćo.

Wotkazaj

Oficielna webstrona
Krótka biografija na webstronje krajneho sejma (němsce)