Myše
| |
| Domjaca myš (Mus musculus)' | |
| systematika | |
|---|---|
| domena | Eukaryoty |
| swět | Zwěrina |
| rjadownja: | cycaki (Mammalia) |
| nadswójba: | myšace (Muroidea) |
| swójba: | dołhowopušate myše (Muridae) |
| tribus: | (Murini) |
| wědomostne mjeno | |
| Mus | |
| Linnaeus (1759) | |
Myše (Mus) su ród hrymzakow ze skupiny staroswětowych myšow. Do roda słušeja něhdźe 40 družinow, wot kotrychž je domjaca myš (mus musculus) najznaćiša a najbóle rozšěrjena. Wjetšina druhich družinow je w Africe a w južnej a juhowuchodnej Aziji žiwa.
Myše su wot hłowy do tyłowa mjez 4,5 a 12,5 cm dołhe, k tomu maja mjez 3 a 11 cm dołhi wopuš. Waža wot 12 do 35 gramow.
Prěnjotny žiwjenski rum wobjimuje Afriku, južnu Europu a južnu kaž tež juhowuchodnu Aziju. Jako jenička družina je so domjaca myš, čłowjekej slědujo, tež do Ameriki a Awstralije rozšěrjała.
Systematika
[wobdźěłać | žórłowy tekst wobdźěłać]Dotal su 39 družinow znate, kotrež so do štyrjoch podrodow rozdźěluja:
- podród Mus
- Mus booduga na indiskim subkontinenće
- Rajsowa myš (Mus caroli) w južnej Chinskej a juhowuchodnej Aziji
- Płowojta myš (Mus cervicolor) z městnami mjez sewjernej Indiskej a Indoneskej
- Cookowa myš (Mus cookii) na sewjeru južneje a juhowuchodneje Azije
- Cypernska myš (Mus cypriacus), endemiska na Cypernje
- Mus famulus při južnym kóncu Indiskeje
- Mus fragilicauda na mało městnach w Thailandskej a Laosu
- Makedonska myš (Mus macedonicus) na Balkanskej połkupje a w Małej Aziji
- Domjaca myš (Mus musculus), prěnjotnje jenož w Euraziji, čłowjekej slědujo dźensa swětadaloko rozšěrjena
- Kłosowa myš (Mus spicilegus) w srjedźnej a wuchodnej Europje
- Algeriska myš (Mus spretus) při zapadnym Srjedźozemskim morju (sewjerozapadna Afrika a Iberiska połkupa)
- Mus terricolor, rozšěrjena na indiskim subkontinenće
- podród Nannomys
- Mus baoulei mjez Gineju a Togom
- Mus bufo w małym teritoriju při Wuchodoafriskej hrjebinje
- Mus callewaerti na juhu Demokratiskeje republiki Kongo a w Angoli
- Mus goundae, jenož z Centralnoafriskeje republiki znata
- Mus haussa we wulkim dźělu zapadneje Afriki
- Mus indutus w suchich regionach južneje Afriki
- Mus mahomet mjez Etiopiskej wysočinu a Keniju
- Mus mattheyi w zapadnej Africe mjez Senegalom a Ghanu
- Afriska mała myš (Mus minutoides), rozšěrjena mjez južnym Sudanom a Južnej Afriku
- Mus musculoides, rozšěrjena w zapadnej a srjedźnej Africe
- Mus neavei w Sambiji a Južnej Africe, snadź tež w dalšich krajach
- Mus orangiae we wyše ležacych kónčinach Južneje Afriki a Lesotha
- Mus oubanguii, jenož z Centralnoafriskeje republiki znata
- Mus setulosus w dźělach zapadneje a srjedźneje Afriki
- Mus setzeri w Namibiji, Botswanje a Sambiji
- Mus sorella we wokolinje Wuchodoafriskeje hrjebiny
- Mus tenellus w suchich regionach mjez Sudanom a Etiopiskej na sewjeru a Tansaniju
- Tritonowa myš (Mus triton) w srjedźnej a wuchodnej Africe
- podród Coelomys
- Mus crociduroides na zapadźe Sumatry
- Mus mayori, endemiska na Sri Lance
- Mus pahari w juhowuchodnej Aziji
- Mus vulcani w hórskich kónčinach zapadneje Javy
- podród Pyromys
- Mus fernandoni, endemiska na Sri Lance
- Mus phillipsi w Indiskej
- Mus platythrix w srjedźnej a južnej Indiskej
- Mus saxicola na indiskim subkontinenće
- Mus shortridgei na sewjeru Juhowuchodneje Azije
Wotkaz
[wobdźěłać | žórłowy tekst wobdźěłać]
Commons: Myše – Zběrka wobrazow, widejow a awdiodatajow