New Hampshire

New Hampshire
	hesło: Live free or die ; („Budź swobodnje žiwy abo wumrěj“)
	přimjeno: The Granite State
Zakładne daty
stolica	Concord
přestrjeń	24.216 km²
wobydlerstwo	1.330.608 (1. jul 2015)
hustosć	55 wob. na km²
časowe pasmo	UTC–5 (EST)
Politika
guwerner	Maggie Hassan (Dem.)
přistup do unije	21. junija 1788
	Karta
	Přehladna karta zwjazkoweho stata

44-71.5

Koordinaty: 44° S, 72° Z

New Hampshire ( [nuː ˈhæmpʃɚ]a a) je US-ameriski zwjazkowy stat, kotryž leži na sewjerowuchodźe kraja w Nowej Jendźelskej. Ma něhdźe 1,3 miliony wobydlerjow na 24.000 km² a je tuž po přestrjeni pjaty najmjeńši stat. Stolica je Concord z 43.000 wobydlerjemi, najwjetše město pak Manchester z něhdźe 110.000 wobydlerjemi.

Stat mjezuje z kanadiskej prowincu Québec na sewjeru kaž tež z US-ameriskimi zwjazkowymi statami New Hampshire na wuchodźe, Massachusetts na juhu a Vermont na zapadźe. Na samym juhu ma New Hampshire podźěl na pobrjoze Atlantiskeho oceana. Horiny zwjazkoweho stata su dźěl Appalachow. Najwyši dypk je Mount Washington (1917 m).

Wot lěta 1629 kolonizowachu Jendźelčenjo teritorij dźensnišeho stata, na kotrymž běchu do toho ameriscy prawobydlerjo žiwi. W lěće 1776 bě New Hampshire prěnja kolonija, kotraž spožči sej swójsku wustawu. Bě tuž jedyn ze załoženskich čłonow Zjednoćenych statow.

Něhdźe 23 % wobydlerstwa je francoskeho abo francosko-kanadiskeho pochada, 21 % irskeho, 16 % jendźelskeho a 11 % italskeho. 8,3 % maja němskich prjedownikow.