Rixdorf
Rixdorf (tež Ricksdorf) je dźěl Berlinskeho wobwoda Neukölln. Leži něhdźe pjeć kilometrow juhowuchodnje Berlinskeho centruma. Něhdyša nawjes Rixdorfa nadeńdźe so wuchodnje Karla Marxoweje dróhi wokoło Richardoweho naměsta, něhdźe kilometer sewjerozapadnje dwórnišća Sonnenallee.
Sydlišćo bu w lěće 1737 załožene wot Ochranowskich bratrow, kotřiž namakachu w Pruskej nowu domiznu. Hižo do toho běše tu wjeska Richardsdorp, kotraž bě so prěni raz w lěće 1360 naspomniła. Hač do zažneho 20. lětstotka rěčeše so tam hišće čěsce, dźensniša hasa Kirchgasse rěkaše hišće hač do lěta 1909 Mala ulicka.
Stare jadro Rixdorfa wobsteji z Čěskeho Rixdorfa (Böhmisch-Rixdorf) a Němskeho Rixdorfa (Deutsch-Rixdorf). Wobaj dźělej so w lěće 1874 zjednoćištej ke gmejnje Rixdorf. Wot lěta 1899 bě Rixdorf z městom a 1912 bu přemjenowany do Neukölln.
Wotkaz
[wobdźěłać | žórłowy tekst wobdźěłać]- Krótka chronika Rixdorfa na webstronach neukoelln-online.de (němsce)