Ազամաթ Աբդուռաիմով

Ազամատ Աբդուրաիմով; Azamat Birodarovich Abduraimov
Անձնական տվյալներ
Քաղաքացիությունը	ԽՍՀՄ և Ուզբեկստան
Ծննդյան ամսաթիվ	ապրիլի 27, 1966 (58 տարեկան)
Ծննդավայր	Տաշքենդ, Ուզբեկական ԽՍՀ, ԽՍՀՄ
Հասակ	171 սմ
Դիրք	հրաձակվող
Ակումբային տեղեկություններ
Ներկա ակումբ	առանց ակումբի
Պատանեկան կարիերա
	ՖՇՄ
Մասնագիտական կարիերա*
Ազգային հավաքական
Մարզչական կարիերա
2002-2003	ՆՊՈԻ-Ասիա
2003-2005	Ուզբեկստան (մինի ֆուտբոլ)
2009-2010	Դինամո (Սամարղանդ)
2012-2014	Անդիժան
	* Մասնագիտական կարիերայում ընդգրկված են միայն առաջնության խաղերը և գոլերը:

Ազամաթ Բերադորովիչ Աբդուռաիմով (ուզբ.՝ Azamat Birodarovich Abduraimov, ապրիլի 27, 1966(1966-04-27), Տաշքենդ, Ուզբեկական ԽՍՀ, ԽՍՀՄ), խորհրդային և ուզբեկ ֆուտբոլիստ, որը հանդես ե եկել որպես հարձակվող, ֆուտբոլային մարզիչ։ 1992-1996 թվականներին խաղացել է Ուզբեկստանի հավաքականում։ 1994 թվականին հավաքականի կազմում դարձել է Ասիական խաղերի չեմպիոն։ Խորհրդային և ուզբեկ հայտնի ֆուտբոլիստ և մարզիչ Բերադոր Աբդուռաիմովի որդին է։ Եղբայրները՝ Ջասուրն ու Բախոդիրը, նույնպես պրոֆեսիոնալ ֆուտբոլիստներ են։

Սովորել է Տաշքենդի համալսարանի ժուռնալիստիկայի ֆակուլտետում։ Ավարտել է Ռուսաստանի մարզիչների բարձրագույն դպրոցը (2006):

Կենսագրություն

Ազամատ Աբդուրաիմովը ծնվել է Տաշքենդում 1966 թվականի ապրիլի 27-ին՝ այն օրը, երբ տեղի է ունեցել ավերիչ երկրաշարժ Տաշքենդում։ Նա իր մանկությունն անցկացրել է Մոսկվայում, ուր հայրը տեղափոխվել է 1969 թվականին, երբ Վսեվոլոդ Բոբրովը նրան հրավիրել է ԲԿՄԱ^[1]։ Մանկության տարիներին Ազամատ Աբդուրաիմովն ակտիվորեն զբաղվել է հոկեյով և ֆուտբոլով, բայց վերջում վերջնականապես ընտրել է ֆուտբոլը։

ՖՇՄ ակումբի սան է։ Նույն թիմում սկսել է իր ելույթները մեծ ֆուտբոլում։

1984 թվականինին նա որոշ ժամանակ խաղացել է Մոսկվայի «Սպարտակ» երկրորդ կազմում, որից հետո ուղարկվել է «զինվորական ծառայության» Դոնի Ռոստովի ԲՄԱ (9 խաղ երկրորդ կազմում)։ Այնուհետև տեղափոխվել է ԲԿՄԱ-2, ապա «Պախտակոր», որ հանդես էր գալիս առաջին լիգայում։ Այդ ժամանակ ակումբը ղեկավարում էր Բերադոր Աբդուրաիմովը, ով էլ որդուն կանչել է Տաշքենդ։

Տաշքենդի ակումբում Ազամատ Աբդուրաիմովն անցկացրել է 4 տարի։ 1990 թվականի սկզբին հավիրվել է «Սպարտակ», բայց հրաժարվել է։ Այնուամենայնիվ, տարվա կեսերին նա տեղափոխվել է «Սպարտակ», քանի որ «Պախտակորի» նոր մարզիչ Ֆեոդոր Նովիկովի հետ հարաբերությունները չեն ստացվել։

1990 թվականին երկրորդ կեսից Մոսկվայում խաղացել է «Սպարտակի» կազմում և 3 խաղ անցկացրել բարձրագույն լիգայում։ Այնուամենայնիվ, ավելի հաճախ հանդես է եկել «Սպարտակի» երկրորդ կազմում՝ մասնակցելով 9 խաղի և խփելով 7 գոլ։ 1991 թվականի մրցաշրջանն անցկացրել է բարձրագույն լիգայի մեկ այլ ակումբում՝ «Պամիրում», ուր վարձավճարով տեղափոխվել է սեփական խնդրանքով։

1992 թվականին կարճ ժամանակով խաղացել է Բանգլադեշի «Մոհամմեդան» ակումբում «Սպարտակի» նախկին ֆուտբոլիստներ Սերգեյ Նովիկովի և Բորիս Կուզնեցովի հետ։ Բանգլադեշում դարձել է առաջնության լավագույն ռմբարկու 17 գոլերով, սահմանել առաջնության ռեկորդ՝ 3 անընդմեջ խաղերում հեղինակելով 10 գոլ (երկու հեթ-տրիկ և մեկ պոկեր)^[2]։

Մրցաշրջանի կեսին վերադարձել է Ուզբեկստան, խաղացել «Նավբախոր» և ԲԿՄԱ (Տաշքենդ) ակումբներում։

1994 թվականին մեկամյա պայմանագիր է ստորագրել «Պախանգ» ակումբի հետ^[3]։

1995 թվականին որոշ ժամանակ հանդես է եկել Ուզբեկստանի բարձրագույն լիգայում, որից հետո տեղափոխվել է Սաուդյան Արաբիայի «Ալ-Վահդա» ակումբ։ 1996 թվականին վերադարձել է «Պախտակոր», որտեղ անցկացրել է մի քանի տարի։

2000 թվականին մի կարճ ժամանակ նա խաղաացել է Հնդկաստանի «Սալգաոկարում»^[4], ապա կրկին վերադարձել «Պախտակոր»։ Մեծ ֆուտբոլում նրա վերջին ակումբներն են դարձել «Դուստլիկը» և ՆՊՈՒ Ասիան։ Վերջին ակումբում աշխատել է միաժամանակ որպես մարզիչ։

Խաղացողի իր կարիերան Ազամատ Աբդուրաիմովն ավարտել է մինի ֆուտբոլի «Արդուս» ակումբում, որտեղ նա նաև գլխավոր մարզիչ էր։ Ակումբի հետ միասին դարձել է երկրի չեմպիոն։ 2003 թվականից նա գլխավորել է Ուզբեկստանի ազգային հավաքականը։ 2005 թվականին թողել է այդ երկու պաշտոնները։

2004 թվականին ընդունվել է Մարզիչների բարձրագույն դպրոց, որն ավարտել է 2006 թվականին։ Դասընթացի ընթացքում նա վերապատրաստվել է Լևերկուզենի «Բայերում»^[1]։ 2005 թվականից աշխատել է որպես Ռուսաստանի ֆուտբոլի միությանը կից ստեղծված «Հայրենական ֆուտբոլ» հիմնադրամի գլխավոր տնօրեն^[5]։ Եղել է Ֆուտբոլի ֆեդերացիայի հատուկ ներկայացուցիչը Մոսկվայում։

2008 թվականին (հոկտեմբերից) եղել է «Բունյոդկորի» գլխավոր տնօրենը^[6], իսկ 2009-2010 թվականներին՝ «Դինամոյի» (Սամարղանդ) գլխավոր մարզիչը։

2012 թվականին եղել է Ուզբեկստանի երիտասարդական հավաքականի (մինչև 23) գլխավոր մարզիչ^[7], 2012 թվականի երկրորդ կեսից՝ «Անդիժան» ակումբի գլխավոր մարզիչ^[8]։ 2014 թվականի վերջում հեռացել է «Անդիժան» ֆուտբոլային ակումբի գլխավոր մարզչի պաշտոնից^[9]։

Ուզբեկստանի հավաքական

Ազամատ Աբդուրաիմովը Ուզբեկստանի ազգային հավաքականի կազմում անցկացրել է 18 հանդիպում և խփել 11 գոլ։ 1994 թվականին դարձել է Ասիական խաղերի չեմպիոն. հեղինակել է այդ մրցաշարի կիսաեզրափակչի հաղթական գոլը՝ գրավելով Հարավային Կորեայի դարպասը, իսկ եզրափակչում եղել է Չինաստանի հավաքականի դարպասը խփած գոլերից մեկի հեղինակը^[10]։

Ձեռքբերումներ

Որպես խաղացող

«Պախտակոր»

ԽՍՀՄ Առաջին լիգայի գավաթ − 1988, 1989
Ուզբեկստանի գավաթակիր − 1997
Ուզբեկստանի չեմպիոն − 1998

«Մոհամմեդան»

Բանգլադեշի առաջնության արծաթե մեդալակիր − 1992
Բանգլադեշի առաջնության լավագույն ռմբարկու − 1992 (17 գոլ)

«Նավբախոր»

Ուզբեկստանի գավաթակիր − 1992

«Պախանգ»

Մալազիայի չեմպիոն − 1994

«Ալ-Վախդա»

Սաուդյան Արաբիայի ֆուտբոլի առաջին լիգայի չեմպիոն − 1996

Ուզբեկստանի հավաքական

Ասիական խաղերի չեմպիոն − 1994

Որպես մարզիչ

«Արդուս»

Ուզբեկստանի չեմպիոն մինի ֆուտբոլում − 2005 թվական

Պետական պարգևներ

«Շուխրատ» մեդալ^[11]

Ընտանիք

Կինը՝ Ումիդա, դուստրը՝ Ալիա^[12]։

Ծանոթագրություններ

↑ ^1,0 ^1,1 «Немецкие «каникулы» Азамата Абдураимова». Արխիվացված է օրիգինալից 2012 թ․ հուլիսի 31-ին. Վերցված է 2017 թ․ դեկտեմբերի 15-ին.
↑ Как я с Абдураимовыми плов ел
↑ Raimov Pahang’s pick
↑ «Season ending Transfers 1999». Արխիվացված է օրիգինալից 2020 թ․ փետրվարի 17-ին. Վերցված է 2017 թ․ դեկտեմբերի 15-ին.
↑ А. Абдураимов возглавил фонд «Отечественный футбол»
↑ Абдураимов назначен спортивным директором «Бунёдкора»
↑ «Алексей Евстафеев возглавил молодёжную сборную Узбекистана». Արխիվացված է օրիգինալից 2018 թ․ դեկտեմբերի 2-ին. Վերցված է 2017 թ․ դեկտեմբերի 15-ին.
↑ Ֆուտբոլիստի էջը FootballFacts.ru կայքում
↑ «Азамат Абдураимов: «Было изначально понятно, что Пищур не великий»». Արխիվացված է օրիգինալից 2018 թ․ դեկտեմբերի 2-ին. Վերցված է 2017 թ․ դեկտեմբերի 15-ին.
↑ Asian Games 1994 (Hiroshima, Japan)
↑ О награждении группы спортсменов и тренеров республики
↑ «Former Pahang striker turns to futsal». Արխիվացված է օրիգինալից 2014 թ․ օգոստոսի 12-ին. Վերցված է 2017 թ․ դեկտեմբերի 15-ին.

Գրականություն

В. А. Сафаров: «Легенда узбекского футбола». Стр. 111. Ташкент. 2009 год.

Արտաքին հղումներ

[autogenerated1-1] 1,0 ^1,1 «Немецкие «каникулы» Азамата Абдураимова». Արխիվացված է օրիգինալից 2012 թ․ հուլիսի 31-ին. Վերցված է 2017 թ․ դեկտեմբերի 15-ին.

[2] Как я с Абдураимовыми плов ел

[3] Raimov Pahang’s pick

[4] «Season ending Transfers 1999». Արխիվացված է օրիգինալից 2020 թ․ փետրվարի 17-ին. Վերցված է 2017 թ․ դեկտեմբերի 15-ին.

[5] А. Абдураимов возглавил фонд «Отечественный футбол»

[6] Абдураимов назначен спортивным директором «Бунёдкора»

[7] «Алексей Евстафеев возглавил молодёжную сборную Узбекистана». Արխիվացված է օրիգինալից 2018 թ․ դեկտեմբերի 2-ին. Վերցված է 2017 թ․ դեկտեմբերի 15-ին.

[8] Ֆուտբոլիստի էջը FootballFacts.ru կայքում

[9] «Азамат Абдураимов: «Было изначально понятно, что Пищур не великий»». Արխիվացված է օրիգինալից 2018 թ․ դեկտեմբերի 2-ին. Վերցված է 2017 թ․ դեկտեմբերի 15-ին.

[10] Asian Games 1994 (Hiroshima, Japan)

[11] О награждении группы спортсменов и тренеров республики

[12] «Former Pahang striker turns to futsal». Արխիվացված է օրիգինալից 2014 թ․ օգոստոսի 12-ին. Վերցված է 2017 թ․ դեկտեմբերի 15-ին.

[1]

[2]

[3]

[4]

[5]

[6]

[7]

[8]

[9]

[10]

[11]

[12]