Անիեր սյուր Սեն

Բնակավայր
Անիեր սյուր Սեն
ֆր.՝ Asnières-sur-Seine
Զինանշան
Երկիր	Ֆրանսիա
Համայնք	Սենա, Օ դը Սեն, arrondissement of Nanterre? և Մեծ Փարիզ
Մակերես	4,82 կմ²
ԲԾՄ	22 մետր, 43 մետր
Բնակչություն	▲89 662 մարդ (հունվարի 1, 2021)
Ժամային գոտի	UTC+1 և UTC+2
Փոստային դասիչ	92600
Պաշտոնական կայք	asnieres-sur-seine.fr​(ֆր.)
Անիեր սյուր Սեն (Ֆրանսիա)
Անիեր սյուր Սեն Վիքիպահեստում

Անիեր սյուր Սեն (ֆր.՝ Asnières-sur-Seine. ֆրանսերեն արտասանութամբ՝  ( )), քաղաք և համայնք Ֆրանսիայի կենտրոնական հատվածի հյուսիսային մասում՝ Իլ դը Ֆրանս երկրամասի Օ դը Սեն դեպարտամենտում, Սեն գետի ձախ ափին, Փարիզի կենտրոնից մոտավորապես 8 կիլոմետր հեռավորության վրա, Ֆրանսիայի մայրաքաղաքի հյուսիսարևմտյան Բանյո արվարձանում։ Զբաղեցնում է 4,82 քառակուսի կիլոմետր տարածք։ 2011 թվականի տվյալներով բնակչության թվաքանակը եղել է 83.376։

Բնակիչները կոչվում են Asniérois, Asniéroises։

Պատմություն

Բնակավայրն առաջին անգամ հիշատակվել է Հռոմի պապի 1158 թվականի բուլլայում, Asnerias անվանումով (առաջացել է միջին լատիներեն asinaria բառից, որ նշանակում է ավանակապահական ֆերմա)։ Մինչև 1968 թվականի փետրվարի 15-ը կոչվել է Անիեր. ներկայիս անվանումը, որը ֆրանսերենից թարգմանած՝ նշանակում է Սենի Անիեր, ստացել է Անիեր անվանումը կրող ֆրանսիական այլ բնակավայրերից տարբերակելու նպատակով։

20-րդ դարի սկզբներին Սեն գետի անիերյան հատվածը դարձել է մակույկներով թիավարության սիրված վայր փարիզեցիների համար, տեղացիներն էլ վարպետացել են նավակներ պատրաստելու գործում։

Ուշագրավ փաստեր

• Քաղաքի տեսարժան վայրերից է շների գերեզմանատունը, որը բացվել է 1899 թվականին և համարվում է հանրությանը մատչելի ամենահին կենդանական գերեզմանատունը։
• Նորաձևության նշանավոր դիզայներ Լուի Վիտոնը Անիերում է բացել իր առաջին արվեստանոցը, այս քաղաքում է ապրել մինչև իր մահը։ Արվեստանոցն ու որոշ խորհրդանշական տարրեր (մանեկեններ, կաշվե մոդելներ և այլն) պահպանվել են մինչև օրս։
• Ռուանդայի հութու ցեղի ներկայացուցիչ գործարար և պատերազմի հանցագործ Ֆելիսիեն Կաբուգան ձերբակալվել է այստեղ 2020 թվականի մայիսի 16-ին՝ ռուանդական ցեղասպանության ժամանակ ոճիր գործելուց 26 տարի անց (նա մեղադրվել է ցեղասպաններին ֆինանսավորելու, թութսիների զանգվածային սպանությունների գործիք դարձած հազարավոր մաչետեներ նրանց մատակարարելու համար)։

Մառնի պողոտան

Հին փոստատունը

Ժողովրդագրություն

Պատմական բնակչություն
Տարեթիվ Բնակ․ տ․ ±% 1793 345 —     1800 334 −0.46% 1806 316 −0.92% 1821 386 +1.34% 1831 514 +2.91% 1836 556 +1.58% 1841 702 +4.77% 1846 925 +5.67% 1851 1186 +5.10% 1856 1822 +8.97% 1861 3213 +12.01% 1866 5455 +11.17% 1872 6236 +2.26% 1876 8278 +7.34% 1881 11 352 +6.52% 1886 15 203 +6.02% 1891 19 575 +5.19% 1896 24 317 +4.43%	Տարեթիվ Բնակ․ տ․ ±% 1901 31 336 +5.20% 1906 36 482 +3.09% 1911 42 583 +3.14% 1921 49 607 +1.54% 1926 52 609 +1.18% 1931 63 654 +3.89% 1936 71 831 +2.45% 1946 72 273 +0.06% 1954 77 838 +0.93% 1962 81 768 +0.62% 1968 80 113 −0.34% 1975 75 431 −0.86% 1982 71 077 −0.85% 1990 71 850 +0.14% 1999 75 837 +0.60% 2007 82 056 +0.99% 2012 83 845 +0.43% 2017 85 191 +0.32%
Աղբյուր՝ EHESS and INSEE (1968-2017)

Քույր քաղաքներ

•  Շպանդաու, Գերմանիա (1959)

Պատկերասրահ

• 
• 
• 
• 
• 
• 
  Անիերը Վինսենթ վան Գոգի նկարներից մեկում
• 
  Ժորժ Սյորայի «Լողացողներ. Անիեր» (Une baignade à Asnières) աշխատանքը

Գրականություն

• Lucienne Jouan (lauréate de l'Académie française), Asnières et Bois-Colombes à la Belle Époque, Asnières, UNAL, 1980.
• Jacques-Antoine Dulaure, Adolphe Joanne et Émile de La Bédollière, Asnières, Éditions du Bastion, 1992.
• Le Patrimoine des communes des Hauts-de-Seine, Flohic Éditions, 1994.
• François Martin et Michel Toulet, Asnières-sur-Seine, Éditions Alan Sutton, 1996, coll. « Mémoire en images ».
• Le guide municipal d'Asnières-sur-Seine, édition 2007-2008.
• Antoine Cassan, « Le château d'Asnières-sur-Seine », in Sites et monuments, décembre 1978.
• Collectif AACA, « Asnières et son château », in La Gazette du château, Կաղապար:N°, 1980.
• Edme Perier, Notes sur la ville d'Asnières, Asnières, 1890.
• Joseph Petit, Asnières, jadis Belle-Isles, aujourd'hui Կաղապար:47e ville de France, 1939.
• Ned Rival, Album du cinquantenaire de l'usine Astra-Calvé à Asnières, éd. J. Grancher, 1993.
• Luc Corlouër, La Chapelle des Chiffonniers d'Asnières (Roman). Feuillage, 2020

Արտաքին հղումներ

• Site de la mairie
• INSEE (ed.). «Dossier complet : Commune d'Asnières-sur-Seine (92004)». Recensement général de la population de 2017. RGP. Վերցված է 13/12/2020-ին..
• Ministère de la cohésion des territoires et des relations avec les collectivités territoriales (ed.). «Asnières-sur-Seine». Ma commune. Արխիվացված է օրիգինալից 2021 թ․ դեկտեմբերի 5-ին. Վերցված է 13/12/2020-ին..

Վիքիպահեստն ունի նյութեր, որոնք վերաբերում են «Անիեր սյուր Սեն» հոդվածին։