Ինդապամիդ

Ինդապամիդ
Կլինիկական տվյալներ
ԱԹԴ կոդ	C03BA11 (WHO) ;
Ֆարմակոկինետիկ տվյալներ
Սպիտակուցով կապում	71-79 %
Կիսատրոհման պարբերություն	14-18 ժամ
Նույնացուցիչներ
	IUPAC անվանում 3-(ամինոսուլֆոնիլ)-4-քլոր-N-(2,3-դիհիդրո-2-մեթիլ-1Н-ինդոլ-1-իլ) բենզամիդ
CAS համար	26807-65-8
PubChem CID	3702
DrugBank	APRD01031
CompTox Dashboard (EPA)	DTXSID7044633 ;
ECHA InfoCard	100.043.633
Քիմիական և ֆիզիկական տվյալներ
Քիմիական բանաձև	C16H16ClN3O3S
Մոլային զանգված	365,835 g·mol−1
	դ; ք; խ;

Ինդապամիդ, հիպոտենզիվ ազդեցությամբ դեղամիջոց (միզամուղ, անոթալայնիչ)^[1]։ Դեղաբանական հատկությունների առումով այն մոտ է թիազիդային միզամուղներին (Հենլեի ծնկի կեղևային հատվածում Na+ իոնների ռեաբսորբցիայի խախտում)։ Այն օգտագործվում է սրտի անբավարարությունից առաջացած հիպերտոնիայի և այտուցների բուժման համար^[2]։

Դեղաբանական ազդեցություն

Ունի միզամուղ, անոթալայնիչ, հիպոտենզիվ ազդեցություն։ Արգելափակում է նատրիումի իոնների ռեաբսորբցիան նեֆրոնի հանգույցի կեղևային հատվածում, մեծացնում է նատրիումի, քլորի, կալցիումի և մագնեզիումի իոնների մեզի միջոցով արտազատումը։ Նվազեցնում է անոթային պատի զգայունությունը նորադրենալինի և անգիոտենզին II-ի նկատմամբ. խթանում է PGE2-ի սինթեզը; արգելակում է կալցիումի իոնների հոսքը դեպի անոթային հարթ մկանային բջիջներ և, հետևաբար, նվազեցնում է համակարգային անոթային դիմադրությունը։ Նվազեցնում է ազատ և կայուն թթվածնային ռադիկալների արտադրությունը։ Արագ և ամբողջությամբ ներծծվում է, երբ ընդունվում է բերանացի։ Cmax-ը ստեղծվում է 2 ժամում։ Պլազմայում այն կապվում է սպիտակուցներին 71-79%-ով և կարող է ներծծվել էրիթրոցիտների կողմից։ Անցնում է հեմատոհյուսվածքային պատնեշներով (այդ թվում՝ ընկերքային), մտնում կրծքի կաթ։ T½ կազմում է մոտ 14 ժամ։ 70%-ը արտազատվում է երիկամներով, իսկ 23%-ը՝ կղանքով։ Ինդապամիդը արտազատվում է անփոփոխ և մետաբոլիտների տեսքով (7%)։ Ունի դեղաքանակ կախված ազդեցություն։ 2,5 մգ դոզան ունի առավելագույն հիպոտենզիվ ազդեցություն՝ դիուրեզի աննշան բարձրացման դեպքում։

Ֆարմակոկինետիկա

Կլանում․ Ինդապամիդի բերանացի ընդունման դեպքում այն արագորեն և ամբողջությամբ կլանվում է ստամոքսաղիքային համակարգից։ 2,5 մգ և 5 մգ չափաբաժիններով Cmax-ը արյան պլազմայում հասնում է 2 ժամ հետո և համապատասխանաբար կազմում է մոտ 115 նգ/մլ և մոտ 260 նգ/մլ։

Բաշխում․ Ինդապամիդը հիմնականում և դարձելիորեն կապվում է ծայրամասային էրիթրոցիտների հետ։ Ամբողջ արյան/պլազմայի պարունակության հարաբերակցությունը մոտ 6:1 է Cmax-ի առաջացման դեպքում և 8 ժամ հետո նվազում է մինչև 3,5:1։ Պլազմայի սպիտակուցների կապը կազմում է 71-79% և դարձելի է։

Նյութափոխանակություն․ Ինդապամիդը գրեթե ամբողջությամբ նյութափոխանակվում է լյարդում։ Ընդհանուր չափաբաժնի մոտ 7%-ը հայտնաբերվում է մեզի մեջ անփոփոխ վիճակում՝ ընդունելուց հետո առաջին 48 ժամվա ընթացքում։ Մարդկանց մոտ նկարագրվել է մոտ 19 մետաբոլիտ, որոնցից միակ դեղաբանական ակտիվ մետաբոլիտը ձևավորվել է ինդոլ օղակի հիդրոլիզի արդյունքում։ Մոտ 18%-ը կոնյուգացված արտադրանք են, որից 14%-ը՝ գլյուկուրոնիդներ, 4%-ը՝ սուլֆատներ։

Արտազատում․ Ինդապամիդը ունի երկփուլ արտազատման պրոֆիլ, որի չափաբաժնի 60-70%-ը արտազատվում է երիկամներով, իսկ 15-23%-ը՝ աղիներով։ Ամբողջ արյան մեջ T1/2-ը կազմում է մոտ 14 ժամ։ 14C-ով պիտակավորված ինդապամիդի և նրա մետաբոլիտների արտազատումը մեզի միջոցով տեղի է ունենում երկու փուլով, ընդհանուր ռադիոակտիվության վերջնական T1/2-ը կազմում է 26 ժամ։

Ֆարմակոկինետիկան հատուկ կլինիկական դեպքերում․Ինդապամիդը չի արտազատվում հեմոդիալիզի միջոցով։ Չի կուտակվում երիկամների ֆունկցիայի խանգարում ունեցող հիվանդների մոտ։

Հակացուցումներ

Գերզգայունություն, ուղեղի անոթային խանգարումներ, լյարդի ծանր անբավարարություն, շաքարային դիաբետ դեկոմպենսացիայի փուլում, հոդատապ, հղիություն և կրծքով կերակրում (բուժման ընթացքում պետք է խուսափել կրծքով կերակրելուց)։

Նշումներ

Արտաքին հղումներ

Индапамид (рус.). Энциклопедия лекарств и товаров аптечного ассортимента. РЛС Патент. — Инструкция, применение и формула.

[1] MeSh: Indapamide

[2] Treatment of hypertension in patients 80 years of age or older. N Engl J Med. 2008 May 1;358(18):1887-98. doi: 10.1056/NEJMoa0801369. Epub 2008 Mar 31.

[1]

[2]