Նիկոլայ Չեռնիխ
Նիկոլայ Չեռնիխ Николай Степанович Черных | |
|---|---|
| Ծնվել է | հոկտեմբերի 6, 1931 Ուսման, Central Black Earth Oblast, ՌԽՖՍՀ, ԽՍՀՄ |
| Մահացել է | մայիսի 25, 2004[1] (72 տարեկան) Մոսկվա, Ռուսաստան[1] |
| Քաղաքացիություն |  ԽՍՀՄ և  Ռուսաստան |
| Մասնագիտություն | աստղագետ |
| Գործունեության ոլորտ | աստղագիտություն |
| Ալմա մատեր | Արևելասիբիրյան պետական մանկավարժական ակադեմիա |
| Գիտական աստիճան | ֆիզիկամաթեմատիկական գիտությունների դոկտոր |
| Տիրապետում է լեզուներին | ռուսերեն |
| Ամուսին(ներ) | Լյուդմիլա Չեռնիխ |
| Երեխա(ներ) | Margarita Chernyj? և Iaronika Tchernykh? |
 Nikolay Stepanovich Chernykh Վիքիպահեստում | |
Նիկոլայ Չեռնիխ (ռուս.՝ Николай Степанович Черных, հոկտեմբերի 6, 1931, Ուսման, Central Black Earth Oblast, ՌԽՖՍՀ, ԽՍՀՄ - մայիսի 25, 2004[1], Մոսկվա, Ռուսաստան[1]), սովետական աստղագետ, աշխատել է Ղրիմյան աստղաֆիզիկական աստղադիտարանում։
Ծնվել է բանվորի ընտանիքում։ 1941 թվականին ընտանիքը տեղափոխվել է ապրելու Իրկուտսկի մարզ։ Դպրոցը ավարտելուց հետո ծառայել է բանակում, և դրանից հետո 1954 թվականին ընդունվել է Իրկուտսկի մանկավարժական ինստիտուտ։ Ընդունելության քննությունների ժամանակ ծանոթացել է իր ապագա կնոջ հետ (Լյուդմիլա Չեռնիխ), ում հետ միասին աշխատել է ամբողջ կյանքի ընթացքում[2]։
Դեռևս ինստիտուտում սովորելիս սկսել է աշխատել Համառուսաստանյան ֆիզիկատեխնիկական և ռադիոտեխնիկական չափումների գիտա-հետազոտական ինստիտուտի Իրկուտսկի ժամանակի և հաճախության լաբորատորիայում։ Լաբորատորիայում զբաղվել է աստղագիտական դիտարկումներով։
1961 թվականին ընդունվել է Լենինգրադի Տեսական աստղագիտության ինստիտուտի ասպիրանտուրա։ 1963 թվականի սեպտեմբերին ուղարկվել է Ղրիմյան աստղաֆիզիկական աստղադիտարան և սկսել է աշխատել այնտեղ որպես կրտսեր գիտաշխատող։ Հետագայում դարձել է ավագ և առաջատար գիտաշխատող։
Գիտական գործունեություն
[խմբագրել | խմբագրել կոդը]1964 թվականին Չեռնիխ ամուսինների համատեղ նախաձեռնությամբ Տեսական աստղագիտության ինստիտուտում ստեղծվել է «Ղրիմյան խումբը», որը զբաղվում էր աստերոիդների դիտարկումներով Ղրիմյան աստղաֆիզիկական աստղադիտարանում։ Բազմաթիվ տարիների ընթացքում այս խումբը հանդիսանում էր աստերոիդների դիտարկումների քանակով աշխարհում առաջատարը[2]։
Անձամբ Նիկոլայ Չեռնիխը հայտնաբերել է 537 աստերոիդ, իսկ խումբը ընդհանուր առմամբ ավելին քան 1200[3]։ Նրա կինը, Լյուդմիլա Չեռնիխը անվանել է իր կողմից հայտանբերած աստերոիդներից մեկը ամուսնու պատվին (6619) Կոլյա, իսկ Չեռնիխ ամուսնական զույգի պատվին, չեխ աստղագետ Անտոնին Մրկոսը անվանել է իր հայտնաբերած (2325) Չեռնիխ աստերոիդը։
Չեռնիխը հրատարակել է ավելին քան 200 գիտական աշխատություններ[2]։ Նա եղել է Միջազգային, Եվրոպական և Եվրասիական աստղագիտական միությունների անդամ։
Նիկոլայ Չեռնիխը հայտնաբերել է նաև երկու պարբերական գիսաստղ 74P/Սմիրնովայի-Չեռնիխի և 101P/Չեռնիխի[4].
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- «40 лет открывая астероиды» Արխիվացված 2005-09-01 Wayback Machine, Չեռնիխի աշխատանքների մասին հոդված (ռուս.)
 | Վիքիպահեստն ունի նյութեր, որոնք վերաբերում են «Նիկոլայ Չեռնիխ» հոդվածին։ |
|
