Նուկլեազներ

Նուկլեազներ, նուկլեինաթթուները մինչև միա- և սակավանուկլեոտիդների (օլիգոնուկլեոտիդներ) ճեղքող ֆերմենտներ։ Ըստ ազդեցության բնույթի ֆոսֆոդիէսթերազներ են։ Լայնորեն տարածված են միկրոօրգանիզմների, բույսերի և կենդանիների բջիջներում։ Սովորաբար հիմնային բնույթի, համեմատաբար փոքր մոլեկուլային զանգվածով սպիտակուցներ են։ Պոլիպեպտիդային շղթայի եզրային մոնոնուկլեոտիդներն անջատող նուկլեազներ կոչվում են էքզոնուկլեազներ, իսկ միջին մասը ճեղքողները՝ էնդոնուկլեազներ։ Տարբերում են համապատասխանաբար ռիբոնուկլեինաթթուները և դեզօքսիռիբոնուկլեինաթթուները ճեղքող ռիբոնուկլեազներ և դեզօքսիռիբոնուկլեազնևր։ Նուկլեազներ մարսում և քայքայում են օտարածին նուկլեինաթթուները (այս հատկությունն օգտագործվում է բժշկության մեջ՝ վիրուսային հիվանդությունների բուժման համար), մասնակցում նուկլեինաթթուների սինթեզի և քայքայման կարգավորմանը, ԴՆԹ-ի ռեպարացիային («նորոգմանը»)։

Դերը օրգանիզմում

Յուրացնում է նուկլեինաթթուների սնունդը (մարսողական ֆերմենտների)
Հեռացնում է օտարածին մասնիկները (պաշտպանիչ դեր)
Կարգավորում է սինթեզը և դեգեներացիան նուկլեինաթթուների բջիջներում

Տես նաև

Արտաքին հղումներ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 402)։

Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։
Այս նշումը հարկավոր է փոխարինել համապատասխան թեմատիկ նշումով։