Ուիլիս Ադամս
Ուիլիս Ադամս | |
|---|---|
| Ծնվել է | 1842[1] |
| Ծննդավայր | Հարտֆորդ շրջան, Կոնեկտիկուտ, ԱՄՆ |
| Վախճանվել է | 1921[2] |
| Մահվան վայր | Նոր Անգլիա, ԱՄՆ |
| Քաղաքացիություն | .svg){kind=small} ԱՄՆ |
| Կրթություն | Գեղարվեստի թագավորական ակադեմիա (Անտվերպեն) |
| Մասնագիտություն | նկարիչ |
| Ժանր | բնանկար |
 Willis Seaver Adams Վիքիպահեստում | |
Ուիլիս Սիվեր Ադամս (անգլ.՝ Willis Seaver Adams, 1842[1], Հարտֆորդ շրջան, Կոնեկտիկուտ, ԱՄՆ - 1921[2], Նոր Անգլիա, ԱՄՆ), ամերիկացի բնանկարիչ, տոնալիզմի շարժման ներկայացուցիչ։
Կենսագրություն
[խմբագրել | խմբագրել կոդը]
Ծնվել է 1842 թվականի հուլիսի 19-ին (այլ տվյալներով՝ 1844 թվականին) Կոնեկտիկուտ նահանգի Suffield քաղաքում։ Նրա հայրը՝ Stephen Lorenzo Adams-ը, որը հայտնի է որպես Pole Adams, ֆերմեր էր, մայրը եղել է Susan Adams-ը։
Նրա հայրը ցանկանում էր որդուն տեսնել որպես ֆերմեր կամ դպրոցի ուսուցիչ, բայց Ուիլիսը երազում էր արվեստի մասին՝ գրքերում նկարելով կենդանիներ և իրեն շրջապատող մարդկանց։ 1857-1862 թվականներին Ադամսը սովորել է Connecticut Literary Institute-ում, որն այժմ հայտնի է Suffield Academy անվամբ։ Այնուհետև աշխատել է Մասաչուսեթսի Սփրինգֆիլդ քաղաքի դեղատանը, որտեղ ծանոթացել է դոկտոր Հոլմսի հետ, որը նրան ապահովել է սովորելու համար Անտվերպենի թագավորական ակադեմիայում (անգլ.՝ Royal Academy of Fine Arts): Սակայն 1868 թվականին Ադամսը ստիպված է եղել վերադառնալ Սփրինգֆիլդ, քանի որ նրա հովանավորը մահացել է։
Այնուհետև Ումիլիսը գնացել է Քլիվլենդ (Օհայո)՝ կարճատև հանգստի նպատակով, որը ձգվել է երկու տարի (1876-1878), քանի որ նա այնտեղ հանդիպել է այլ սկսնակ արվեստագետներ Otto Bacher-ին և Sion Wenban-ին։ Այստեղ նա դարձել է Cleveland Art Club-ի և Cleveland Academy of Fine Arts-ի անդամ, նկարել է այն ժամանակվա նահանգապետի դիմանկարը, իսկ ավելի ուշ՝ նախագահ Ռութերֆորդ Հեյսի դիմանկարը։ Քլիվլենդում գտնվելու ընթացքում նա հետաքրքրություն է ցուցաբերել նատուրալիզմի (անգլ.՝ Religious naturalism) և սպիրիտիզմի գաղափարախոսության նկատմամբ։
1878 թվականին նա Otto Bacher-ի հետ մեկնել է Եվրոպա, որտեղ դարձել է «Duveneck Boys»-ից մեկը` ամերիկացի երիտասարդ նկարիչների մի խումբ, որը վերապատրաստվել է Ֆրենկ Դյուվենեկի կողմից։ Վենետիկ այցելելուց հետո Ադամսը այնտեղ հանդիպել է Ջեյմս Ուիսթլերին, ումից դասեր է քաղում։ Վերադառնալով ԱՄՆ՝ նա ընկերացել է James D. Gill-ի հետ, ում պատկերասրահում նա հաճախ ցուցադրություններ է իրականացրել։
Իր կյանքի վերջում Ադամսը հաստատվել է Նոր Անգլիայի Կոնեկտիկուտ գետի հովտում, որտեղ ստեղծել է իր վերջին աշխատանքները՝ արտացոլելով իր վրա Ուիսլերի աշխատանքի վրա ունեցած ազդեցությունը։
Մահացել է 1921 թվականի հունվարի 8-ին Մասաչուսեթս նահանգի Greenfield քաղաքում։ Թաղված է Green River Cemetery-ի քաղաքային գերեզմանոցում[3]։
Ծանոթագրություններ
[խմբագրել | խմբագրել կոդը]- ↑ 1,0 1,1 SNAC — 2010.
- ↑ 2,0 2,1 2,2 https://rkd.nl/explore/artists/103258
- ↑ Willis Seaver Adams (անգլ.)
Արտաքին հղումներ
[խմբագրել | խմբագրել կոդը]- WILLIS SEAVER ADAMS (1844—1921) (անգլ.)
- Willis Seaver Adams (անգլ.)
 | Վիքիպահեստն ունի նյութեր, որոնք վերաբերում են «Ուիլիս Ադամս» հոդվածին։ |
| ||||||
