Օբլոնգները

Օբլոնգները;
Տեսակ	անիմացիոն հեռուստասերիալներ
Ժանր	անիմացիոն սիթքոմ, կատակերգական հեռուստասերիալ և անիմացիոն ֆիլմ մեծահասակների համար
Թեմա	անհաջող ընտանիք
Ստեղծող	Angus Oblong? և Jace Richdale?
Ձայնագրում	Ուիլ Ֆերրել, Ջին Սմարթ, Պամելա Էդլոն, Jeannie Elias?, Բիլի Ուեսթ, Լիա Դելարիա, Randy Sklar? և Jason Sklar?
Երկիր	ԱՄՆ
Լեզու	անգլերեն
Հեռուստաալիք	The WB
Եթերաշրջաններ	1
Սերիաների քանակ	13
Ընկերություն	Mohawk Productions?
Էկրաններին է	; հոկտեմբերի 20, 2002-ը
Սերիայի տևողություն	22 րոպե
	angusoblong.com/pages/the-oblongs-animated-series(անգլ.)

Օբլոնգները (անգլ.՝ The Oblongs), ամերիկյան մուլտիպլիկացիոն սերիալ, որը նախատեսված է մեծահասակների և դեռահասների լսարանի համար։ Մուլտսերիալը հեռարձակվել է մեկ եթերաշրջանով, բաղկացած է եղել 13 դրվագներից։

Ստեղծման պատմություն

Մուլտսերիալն ստեղծվել է Անգուս Օբլոնգի կողմից և թողարկվել է Jobsite Productions և Mohawk Productions, Inc. ստուդիաների կողմից, Warner Bros հեռուստաընկերության աջակցությամբ։ Սերիալը հիմնված է Անգուս Օբլոնգի նկարազարդ «Զզվելի Սյուզին և 13 այլ տխուր պատմություններ անհանգիստ երեխաների համար» գրքի կերպարների վրա։

Սյուժե

Սերիալը պատմում է մի ընտանիքի դժբախտությունների մասին, որոնք բնակվում են աղքատ թաղամասում, որտեղ շրջակա միջավայրի մեծ խնդիրների և ճառագայթման ազդեցության պատճառով բոլոր բնակիչները լուջ հաշմանդամություն ունեն և խեղդված են ֆիզիկապես և (կամ) հոգեպես։ Աղտոտումը «Հիլս» հարուստ թաղամասի բնակիչների անհոգ ապրելակերպի ուղղակի արդյունքն է։ Հիլսի բնակիչներն ամեն կերպ ճնշում և վնասում են հովտի բնակիչներին` անտեսելով նրանց անվտանգության և բարեկեցության խնդիրները։

Գլխավոր հերոսներ

Բոբ Օբլոնգ (անգլ.՝ Bob Oblong) (հնչյունավորել է Ուիլ Ֆերրելը)։ Ծնվել է առանց ձեռքի և ոտքի, աշխատում է թունաքիմիկատների Globocide գործարանում։ Չնայած իր խեղվածությանը` նա շատ ուրախ և դրական է, 1950-ականների հեռուստասերիալներին բնորոշ հոր կերպար է։ Ամուսնացած է Փիքլս Օբլոնգի հետ։
Փիքլս Օբլոնգ (անգլ.՝ Pickles Oblong) (հնչյունավորել է Ջին Սմարթը)։ Շատ է ծխում և ալկոհոլիկ է։ Նա նախկինում բնակվում էր Հիլլս քաղաքում, բայց Բոբ Օբլոնգի հետ հարսանիքից հետո տեղափոխվել է Հովիտ։ Նրա մազերն ամբողջությամբ թափվել են (նա կեղծամ է կրում), և Հիլսի նախկին ընկերներն այժմ արհամարհում են նրան։
Չիփ և Բիֆֆ Օբլոնգներ (անգլ.՝ Chip and Biff Oblong) (հնչյունավորել են Ռենդին և Ջեյսոն Սկլարը)։ 17-ամյա սիամական երկվորյակներ, որոնք միաձուլված են և երկուսով մեկ ընդհանուր ոտք ունեն։ Բիֆն աշխատասեր է, զբաղվում է սպորտով և թաքնված համասեռամոլ է։ Չիփը, ընդհակառակը, ավելի ծույլ է։
Մայլո Օբլոնգ (անգլ.՝ Milo Oblong) (հնչյունավորել է Պամելա Էդլոնը)։ Օբլոնգ ընտանիքի կրտսեր որդին է և սերիալի գլխավոր հերոսը։ Նա վերնաշապիկ է հագնում «Ոչ» (No) մակագրությամբ, գլխին միայն մեկ մազ ունի, աչքերը շիլ են, նաև տառապում է հոգեկան տարբեր խանգարումներից, բազմաթիվ դեղեր է խմում։ Երազում է հարստանալ։
Բեթ Օբլոնգ (անգլ.՝ Beth Oblong) (հնչյունավորել է Ջեննի Էլիասը)։ Ընտանիքի ամենափոքր դուստրն է, գլխին ելուստ ունի։ Ելուստի պատճառը աճի հորմոններ պարունակող տավարի միս ուտելն է։
Օբլոնգ տատիկ (անգլ.՝ Grammy Oblong), Բոբի կաթվածահար մայրը, որը շարժվում է շարժվող սայլակով և չի կարողանում խոսել։
Լաքի (անգլ.՝ Lucky), ծխող կատու։ Միշտ հանգիստ և անտարբեր է ամեն ինչի նկատմամբ։
Սքոթի (անգլ.՝ Scottie) նարկոլեպտիկ շուն։ Սքոթին այդպիսին է դարձել Globocide լաբորատորիաներում իր վրա արված լաբորատոր փրոձերի արդյունքում։
Փեգգի (անգլ.՝ Peggy Weggy) (հնչյունավորել է Բեկկի Սայրը), Մայլոյի ընկերներից մեկը, 10 տարեկան է։ Նա ունի մեկ կրծքագեղձ և նրա մոտ բացակայում է ներքին ծնոտը, այդ պատճառով նա խոսելիս թքում է։
Սողացող Սյուզին (անգլ.՝ Creepy Susie) (հնչյունավորել է Ջեննի Էլիասը)։ Մայլոյի ընկերներից մեկը։ Նա 10 տարեկան է։ Ֆրանսիական ծագում ունի և շեշտադրումներով է խոսում։ Հագուստից և արտահայտություններից դատելով` գոթ է։ Կարող է որոշել կենդանու սեռը` ըստ արյան համի։
Հելգա Ֆագլի (անգլ.՝ Helga Phugly) (հնչյունավորել է Լիա Դելարիան)։ Միլայի ընկերներից մեկն է, 10-ամյա մի աղջիկ է, տառապում է ճարպակալումից։ Նա միամտորեն հավատում է, որ ինքը Դեբի է, չնայած նրանք իրենց հերթին ատում են նրան։ Վայրի և անդաստիարակ։

Դրվագներ^[3]

01.04.01. «Misfit Love»
08.04.01. «Narcoleptic Scottie»
15.04.01. «Milo Interrupted»
22.04.01. «Bucketheads»
29.04.01. «Heroine Addict»
06.05.01. «The Golden Child»
13.05.01. «Flush, Flush, Sweet Helga»
20.05.01. «Disfigured Debbie»
09.09.01. «Pickles' Little Amazons»
16.09.01. «Get Off My Back»
22.09.01. «Please Be Genital»
30.09.01. «My Name is Robbie»
07.10.01. «Father of the Bribe»

Հետաքրքիր փաստեր

Սերիալի երաժշտությունը ստեղծել է The Might Be Giants խումբը^[4]։
DVD սկավառակի վրա նշված լատիներեն Oblongs ազգանվան O տառը շատ նման է Օպերա հանրաճանաչ դիտարկչի պատկերանշանին։
Պրեմիերաներն այլ երկրներում^[5].
- Իսրայել` հուլիսի 13, 2001 թվական
- Ֆրանսիա` հունիսի 23, 2002 թվական
- Ռուսաստան` 2007 թվականի ապրիլ
2001 թվականին մուլտսերիալը շահել է «Artios» մրցանակը` լավագույն հնչյունավորող դերասանների համար^[6]։
Մուլտսերիալի հեղինակ Անգուս Օբլոնգը դժգոհ էր իր աշխատանքից` ասելով, որ պրոդյուսերները, կարելի է ասել, պարզապես ստեղծել են The Simpsons մուլտսերիալի կլոնը^[7]։
1-ին եթերաշրջանի 5 դրվագում անդրադարձ է լինում «The Simpsons» մուլտսերիալին։

Ծանոթագրություններ

Արտաքին հղումներ

Մուլտսերիալի Արխիվացված 2020-01-26 Wayback Machine պաշտոնական կայքը
Օբլոնգները Արխիվացված 2009-10-21 Wayback Machine TV.com-ում
«Օբլոնգները»(անգլ.) ֆիլմը Internet Movie Database կայքում
Տեղեկատվություն Օբլոնգների մասին adultswimtv.ru կայքում(չաշխատող հղում)

[_c7daf263f36a72a5-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Behind The Voice Actors — 2009.

[_f972f1079d98034f-2] 2,0 ^2,1 http://dbpedia.org/resource/The_Oblongs

[imdb-e-3] «The Oblongs» (2001) — Episode list

[imdb-st-4] «The Oblongs» (2001) — Soundtracks

[imdb-ri-5] «The Oblongs» (2001) — Release dates

[imdb-a-6] «The Oblongs» (2001) — Awards

[imdb-t-7] «The Oblongs» (2001) — Trivia

[1]

[2]

[3]

[4]

[5]

[6]

[7]