Biscaya
Biscaya (officialmente in basco: Bizkaia) es un territorio historic espaniol e un del tres provincias que forma le communitate autonome del Pais Basc. Su capital e le citate le plus populate es Bilbao. Illo se trova in le nord del peninsula Iberic e confina al nord con le mar Cantabric, al est con Guipuzcoa, al sud con Alava e con Burgos, e al west con Cantabria. Biscaya es un provincia montanose, con un alte densitate de population e un clima oceanic, con precipitationes abbundante e temperaturas moderate.
Biscaya | |||
|
|||
![]() ![]() ![]() |
|||
Nomine native | Bizkaia | ||
---|---|---|---|
Classe | provincias de Espania, Basque historical territory[*] | ||
Pais | Espania | ||
Capital | Bilbao | ||
Population | 1 154 334 | ||
Area | 2 217 km² ![]() |
||
Situate in | Pais Basc | ||
Coordinatas | 43°15'N, 2°59'W | ||
ISO 3166-2 | ES-BI | ||
Geonames ID | 3104469 | ||
Sito web: http://www.bizkaia.net | |||
Wikimedia Commons Category Biscay |
Illo consiste de 113 municipalitates organisate in septe comarcas. Con un superficie de 2217 km², illo es le secunde provincia le plus parve de Espania, ma es le decime le plus populate (1 159 443 habitantes) e le tertie in densitate de population (518,55 hab/km²). Le majoritate del population vive in le area metropolitan de Bilbao, que es le sexte area metropolitan le plus grande de Espania. Le linguas official es le espaniol e le basco; le dialecto occidental del basco es autoctone del territorio.
Le territorio de Biscaya ha su origine in le senioria medieval de Biscaya, de qual resulta derectos historic e un regime foral que es recognoscite per le Constitution espaniol. Assi, le Diputation Foral de Biscaya, como le resto del diputaciones foral basc, ha un autonomia multo plus grande que le del resto de diputaciones provincial. Como altere provincias espaniol, ille ha su proprie derecto foral. Biscaya esseva un del prime focus industrial de Espania e contava ab le fin del seculo XIX con un industria siderometallurgic multo developpate; Altos Hornos de Vizcaya esseva le compania le plus grande del pais quasi toto le seculo XX. Nonobstante, le crise del petroleo de 1973 habeva consequentias economic multo profound in Biscaya, e le provincia suffreva un processo de profunde reconversion industrial.