Enrique de Malaca
Enrique de Malaca | |
---|---|
![]() | |
Sexo | mascule |
Nascentia | 1495 (Sumatra) |
Decesso | 16th century |
Supernomine | Panglima Awang, Enrique el Negro |
Occupation | explorator[*], traductor |
Identificatores | |
Commons | Enrique of Malacca |
Enrique de Malacca o de Molucca, etiam cognoscite como Enrique le Nigre, nascite ca. 1495, esseva un interprete e sclavo de Ferdinando Magellanes. Ille esseva possibilemente, con su maestro, le prime persona qui circumnavigava le globo.
Non es cognoscite si Enrique esseva un nativo de Sumatra (in Indonesia), de Malacca (in Malaysia) o de Cebu (in le Philippinas); le fonte principal super su carriera, Antonio Pigafetta, le chronista de Magellanes, non lo indicava exactemente. Autores posterior ha suggerite varie theorias; le novellista malay Harun Aminurashid le considera nativo de Malaysia e le appella Panglima Awang in su novellas historic. Se discute etiam si ille realmente faceva circumnavigation del mundo, retornante in 1521 al Philippinas, ante que le espaniol Sebastián Elcano attingeva le sue in 1522 in Espania.
Origine
[modificar | modificar fonte]Enrique esseva capturate in Sumatra in 1511; secundo le estimationes de su propietario, Ferdinando Magellanes, ille habeva alora inter dece-duo e dece-octo annos de etate. Magellanes se trovava in le archipelago del Moluccas in un expedition sub le commando de Diego Lopez Sequeira e de Alphonso de Albuquerque, como parte del colonisation portugese de partes de Malaysia e de Indonesia.
Duarte Barbosa mentiona que existeva un communitate de commerciantes, travaliatores e mercenarios philippin in le epocha in que Magellanes acquireva Enrique. Es pauco credibile que le nativos moslem malay vendeva un sclavo de lor propie religion a un christiano; es considerate plus probabile que Enrique proveniva del colonia philippin. Le historico Laurence Bergreen registra le baptismo de Enrique in 1511, le anno de su captura.
Enrique accompaniva Magellanes a su retorno a Europa, in lo que constitueva le prime parte de su circumnavigation hypothetic del mundo.
Le viage
[modificar | modificar fonte]Quando Magellanes partiva en 1519 con le mission per le corona espaniol de cercar un passo pro superar le Nove Mundo e attinger le Moluccas per le route occidental, ille portava Enrique con se. Secundo le chronicas de Pigafetta, quando Enrique arrivava al insulas de Samar e Cebu, in le Philippinas, ille non sapeva communicar con le locales. Plus tarde, presso un altere insula, un parve barca se approximava al naves espaniol; discoragiate per su fallimentos anterior, Enrique non pensava que illes le comprenderea. A su surprisa, su salute in dialecto malay incontrava responsa.
Le equipage del parve barca refusava de abbordar le vascello de Magellanes, sed quando illes se descendeva in le secunde insula, que recipeva le nomine de Mazzaua, Enrique succedeva a communicar fluentemente con illes. Le surprisa del interprete se debeva in parte a su ignorantia del facto que, post dece-duo annos, ille habeva retornate a su puncto de origine. Con le exception de Magellanes ipse, qui habeva visitate anteriormente le Indias Oriental, le equipage espaniol – inter illes Elcano – habeva ancora milles de kilometros a viagiar ante de finir lor circumnavigation del mundo.
Morte de Magellanes
[modificar | modificar fonte]Le 27 de april 1521 Magellanes moriva in combatto con le nativos dirigite per Lapu-Lapu in le battalia de Mactán, in le Philippinas. Secundo le testimonio de Pigaffetta, Magellanes habeva commandate le manumission de Enrique pro le resto de su vita. Nonobstante, le nove commandante, Duarte Barbosa, refusava de conceder le lo.
Barbosa, in despecto de suspectar Enrique, a qui ille tractava durmente, necessitava su servicios como interprete. Ille le inviava, in consequentia, in mission al raja Hamubon, le chef o datu de Cebu. Se suppone que Enrique suggereva a Hamubon le idea de invitar le espanioles a un banchetto pro poter disfacer se de illes con facilitate. In omne caso, le invitation habeva loco. Circa trenta espanioles veniva e esseva occidite, con le sol exception de Juan Serrano, qui su companiones abandonava in le plagia in despecto de su requestas de auxilio. Debilitate per lor perditas, le espanioles deberea alora abandonar un de lor naves. Pigafetta, que habevea facite notas del lingua, serviva postea como su interprete. Non es cognoscite le fato posterior de Enrique, ben que on sape que ille superviveva le battalia.
Referentias
[modificar | modificar fonte]- Communication personal de Néstor Enríquez, un descendente de Enrique de Malaca.
Ligamines externe
[modificar | modificar fonte]- [1] Archived 2010-06-21 at the Wayback Machine
- Notas super Pigaffetta en le bibliotheca del Universitate de Yale
- Mazaua
- Notas super Pigafetta, Mazua e Ginés de Mafra, marineros de Magellanes
- Enrique
- Pigafetta
- [2]
- PDF Enrique de Malacca in espaniol Archived 2005-05-09 at the Wayback Machine
- Magellanes Archived 2009-03-30 at the Wayback Machine