Gruppos del tabella periodic
In chimia un gruppo es un columna vertical in le tabella periodic de le elementos chimic. Il ha 18 gruppos in le tabella periodic normal, includente le elementos de bloco d, sed excludente le elementos de bloco f.
Le explanation moderne de le patrono de le tabella es que le elementos in un gruppo ha configurationes similar de le conchas electronic plus externe de lor atomos, proque le major parte de le proprietates chimic es dominate per le location orbital de le electron plus externe.
Il ha tres manieras conventional de numerante: un usante numerales arabic, e duo usante numerales roman. Le nonimes de numerales roman es le nomines traditional original de le gruppos; le nomines de numerales arabic es illos recommendate per le Union International de Chimia Pur e Applicate (IUPAC) pro reimplaciar le nomines vetere in un essayo a reducer le confusion generate per le duo schemas plus vetere, sed mutualmente confudente.
In le systema vetere de IUPAC le litteras A e B esseva designate a le partes sinistre (A) e dextre (B) de le tabella, sed in le systema de CAS le litteras esseva designate a elementos de le gruppo principal (A) e elementos de transition (B). Le systema vetere de IUPAC se usava frequentemente in Europa e le systema de CAS esseva plus commun in America. Le systema nove simplemente numera le gruppos de sinistre a dextre in le tabella periodic normal.
Lista de gruppos
[modificar | modificar fonte]| Numerante nove de IUPAC | Numerante vetere de IUPAC (europee) | CAS (american) | Familia de ... | Nomine |
|---|---|---|---|---|
| Gruppo 1 | IA | IA | familia de lithium | le metallos alcalin |
| Gruppo 2 | IIA | IIA | familia de beryllium | le metallos alcalin terrose |
| Gruppo 3 | IIIA | IIIB | familia de scandium | (consistente del terras rar plus le actinidos) |
| Gruppo 4 | IVA | IVB | familia de titanium | |
| Gruppo 5 | VA | VB | familia de vanadium | |
| Gruppo 6 | VIA | VIB | familia de chromo | |
| Gruppo 7 | VIIA | VIIB | familia de manganese | |
| Gruppo 8 | VIII | VIIIB | familia de ferro | |
| Gruppo 9 | VIII | VIIIB | familia de cobalt | |
| Gruppo 10 | VIII | VIIIB | familia de nickel | |
| Gruppo 11 | IB | IB | familia de cupro | le "metallos de moneta" (non un nomine recommendate per IUPAC) |
| Gruppo 12 | IIB | IIB | familia de zinc | |
| Gruppo 13 | IIIB | IIIA | familia de boro | |
| Gruppo 14 | IVB | IVA | familia de carbon | |
| Gruppo 15 | VB | VA | familia de nitrogeno | le pnictogenos |
| Gruppo 16 | VIB | VIA | familia de oxygeno | le chalcogenos |
| Gruppo 17 | VIIB | VIIA | familia de fluor | le halogenos |
| Gruppo 18 | Gruppo 0 | VIIIA | familia de helium o neon | le gases nobile |
