Henrico le Navigator

Principe Henrico de Portugal, Duce de Viseu (4 de martio 1394 – 13 de novembre 1460), plus famose como Henrico le Navigator (in portugese: Infante Dom Henrique o Navegador), era un leader notabile durante le prime phase del creation del imperio ultramar de Portugal in le 15e seculo. Scholares reguarda su labor como le comencio del "Evo del Discopertas".

Henrico era le quarte infante de Johannes I, rege de Portugal, e le monarcha le dava autoritate administrative e commercial a fin de organisar le exploration a longe del costas de Africa Occidental e apud le insulas del Oceano Atlantic e pro cercar routes oceanic circum Africa al Oceano Indic. Su labor resultava in un serie del expeditiones naval que culminava alcun decennios post su morte per le viage del explorator Vasco da Gama via le Capo de Bon Spero a India in 1498.