Insulas Faeroe

Carta del Faeroes.

Ubication del Faeroes in sino al Union Europee.

Vista del Cascada de Mula (Múlafossur), in le insula Vágar.

Le Insulas Faeroe, o simplemente Le Faeroes (alie graphias: Feroes, Faroes, Insulas de Fer, o Insulas Ovin; in faeroese: Føroyar [ˈfœɹjaɹ]; in danese: Færøerne [ˈfeɐ̯ˌøˀɐnə]), es un archipelago nord-europee e un territorio autonome del Regno de Dania que se trova inter Islanda, Norvegia e Scotia, in le tracto de Oceano Atlantic supernominate Hiato de GIRU. Iste parve nation germanic conta 54’000 personas super un territorio de 1’399 km², e su urbe capital es Thoriporto (Tórshavn in lingua local e Thorshavn in danese), que con 22’986 habitantes es anque le centro urban le plus populose.