Madhyamaka
| Madhyamaka |
|---|
| instantia de: school of Buddhism[*] |
| subclasse de: Mahayana |
|
|
| Commons: Madhyamaka |
Le Madhyamaka ("Cammino del Medio" i.e. inter affirmation e negation]) es un schola philosophic del Mahāyāna que post le Hīnayāna forma le secunde linea principal del Buddhismo.
Le schola es un fundation de Nāgārjuna, un erudito indian qui viveva in le 2e seculo EC e qui alcunos considera como le pensator le plus sagace in le historia de India.
Le Madhyamaka sustene un relativismo universal, secundo le qual le cosas son recognoscibile solmente in su reciprocre relationes e non in su signification o relevantia particular. Le relativismo gnoseologic nega un veritate objective, perque le validitate de cata opinion es dependente semper del conditiones in que illo se exprime.
Le elemento principal del philosophia Madhyamaka es le theoria del "vacuitate" (sanscrito śūnyatā; anglese emptiness; germano Leerheit) – un termino que accentua le irrealitate de omne cosas. Le phenomenos del mundo non consiste in/de se ipse; illos emerge de mutue conditiones e son, per lo tanto, subjecte al "genese dependente" (pratītyasamutpāda) que in lingua moderne on pote periphrasar con le parola "interdependentia."
Al processo del genese dependente son subjecte tote le cosas – e assí tambén le seres viventes (incluse le humanos) – que non disponen de un modo de ser, de un essentia o entitate próprie e impartíbile. Per consequente il non es date tambén un principio individual e eterne in forma de un ánima (in sánscrito: jīva o jīvātman) como definitión de un esser o ser substantial. Tote ›existentia‹ es sin naturalessa próprie (sin base peculiar) o sin existentia inherente (svabhāvatā). Iste ›non essentia‹ (sia material o personal) coincide con le concepto del ›vacuitate‹ (skt. śūnyatā; angl. ›emptiness‹; germ. ›Leerheit‹). Il es ›vácue‹ (skt. śūnya; angl. ›empty‹; germ. ›leer‹) que non dispone de formas inherentes. Ma le vacuitate (śūnyatā) non es un ›non ser‹ in contrario a un ›ser‹ que serea un contradicitión in se ipse, per que le ›ser‹ de un ›non ser‹ (e viceversa) es simplemente impensábile.
Le exponentes plus importante del Madhyamaka son: Āryadeva (3e século), Kumārajīva (4e/5e século), Buddhapālita (5e/6e século), Bhāvaviveka (6e século), Candrakīrti (7e século) e Ṥāntideva (7e/8e século).
Le Madhyamaka es al látere del Vijñānavāda le schola de pensata le plus importante del Mahāyāna e se diffundeva sur tote le continente del Asia oriental (India, China, Tibet, Japón, Taiwan, Vietnam). In India le systema cessava de exister con le invasión islámic in le 11e/12e século que destrueva le Buddhismo in su país orígine, ma superviveva sub le nómine de San-Lung in China e sub le nómine de Sanron in Japón. In Tibet le Madhyamaka es le philosophía dominante del Vajrayāna.
Litteratura
[modificar | modificar fonte]- Lamotte, Étienne.: Le Traité de la Grande Vertu de Sagesse de Nāgārjuna. 4 Vol. Louvain 1944-1976.
- Lindtner, Christian: Nagarjuniana. Studies in the Writings and Philosophie of Nāgārjuna. Delhi 1987.
- Schumann, Hans Wolfgang: Mahāyāna-Buddhismus – Die zweite Drehung des Dharma-Rades. München 1990.
- Streng, Frederick: Emptiness – A Study in Religious Meaning. Nashville/New York 1967.