Pongo (taxon)

Pongo Pongo
genere de Pongini[*]
Identificatores e ligamines
ID NCBI: 9599
ID EOL: 42005
ID ITIS: 572839
ID MSW: 12100803
Commons: Pongo

Le orangutan es un simia anthropoide con bracios longe e un pelle rubee, interdum brun, classificate in le categoria del grande simias. Illos habita in Malaysia e Indonesia. Le nomine "orangutan" veni del malay "orang" (homine) e "hutan" (bosco, foreste), assi illo significa "viro del bosco".

A causa del destruction de su habitat natural, le forestes pluvial de Sumatra e Borneo, le orangutan es forte in periculo de extinction.

Classification

Supertaxones

• familia Hominidae, ordine Primates, classe Mammalia

Cladogramma externe

familia del hominides:

Description

Le orangutan es le plus arboree del grande simias - passante le majoritate de su tempore in le arbores, e cata nocte illo ibi se fabrica un nove nido. Le adultes masculin mesura circa 1,4 metros e pesa usque a 80 kg.

• Talia: 1,10 a 1,40 m
• Peso: 40 a 90 kg
• Longevitate: 30 a 40 annos
• Gestation: 245 dies

Comportamento

Como le altere grande simias, le orangutanes son remarcabilemente intelligente. In medio del 1990s, un population de orangutanes ha essite observate regularmente usante utensiles pro alimentar se. Isto ha jam essite observate inter chimpanzes per Jane Goodall in le annos 1960. Un articulo de 2003 in le jornal scientific Science describeva indicios de un cultura de orangutanes.

Orangutan juvenil

Ben que le orangutanes son generalmente passive, aggressiones inter orangutanes es ordinari; illes son animales solitari que pote esser ferocemente territorial. Le masculos immatur essaya copular se con qualcunque femina, e pote realisar per fortia iste copulation si le femina etiam es immatur e troppo debile pro defender se. Le orangutanes salvage son note pro su visitas al installationes human de orangutanes juvene emancipate de captivitate human, communicante con illos e forsan juvante los a lor retorno al vita salvage.