Robert E. Lee
Robert Edward Lee (1807-1870) esseva un heroe statounitese del Guerra Mexican-Statounitese e le commandante del armeas del sud durante le Guerra Civil Statounitese.
Lee nasceva in Virginia a un heroe del Revolution American, Henry Lee. Ille entrava con successo le academia militar del nation, West Point, le secunde de su classe al graduation in 1929. In engeniero, ille developpava manieras pro le armea statounitese viagiar trans terreno incognoscite durante le Guerra Mexican-statounitese (1846-1948). (Ulysses Grant anque esseva in iste guerra, e postea opponeva Lee in le guerra civil.) De 1852-1855 ille esseva le commandante del academia militar, West Point, ubi ille inseniava soldatos, le quales vadeva combatter con e contra ille durante le guerra civil. In 1859 ille stoppava le attacco de John Brown a un arsenal in Harpers Ferry, Virginia.
Quando le guerra civil comenciava, le presidente Abraham Lincoln offereva le officio del commandante a Lee. Lee refusava, proque su familia esseva on Virginia, le qual ha votava a lassar le Union e se unir con le Statos Confederate del sud. Ille al fin deveniva le commandante del arema del sud. Lee vinceva multe battalias, ma al battalia plus importante a Gettysburg, Pennsylvania ille falleva. Lee continuava a ganiar altere victorias, usque le commandante nove del armea del Union Ulysses Grant creava un strategia pro vincer le sud. Lee signava le papiro de capitulation in 1865.
Le Union non puniva Lee. Lee al fin deveniva le presidente de un universitate in Virginia. Ille moriva in 1870.