Sublevamento de Gwangju

Le sublevamento de Gwangju es un movimento popular pro le democratisation, que prendeva loco in le centro del urbe Gwangju in Corea del Sud, initiate le 18 de maio de 1980 in reaction al colpo de stato del 17 de maio. Durante iste movimento, le citatanos se sublevava contra le dictatura de Chun Doo-hwan, establite post le assassination del presidente Park Chung-hee in 1979, e prendeva le controlo del centro del urbe ante que le armea reprimeva le protestos e recuperava le controlo del loco le 27 de maio.

Durante le regno de Chun Doo-hwan, iste evento esseva presentate como un revolta inspirate per partisanos de communistas, sed a pena un regime civil esseva establite, le evento esseva recognoscite como un movimento que intendeva defender le democratia contra le dictatura militar. In 2002, un cemeterio national e un die commemorative (le 18 de maio) esseva create pro indemnisar le victimas e restaurar lor honor.