Filip Vujanović

Filip Vujanović es un politico de Montenegro. Il nascet li 1-im de septembre 1954 in Beograd (hodie: Serbia, tande Yugoslavia). Il esset inter li li 22-im de may 2003 e li 20-im de may 2018 li presidente de Montenegro.

Personal e professional vive

Filip Vujanović nascet e adultijat in Beograd (Serbia). Il stuidat jurisprudentie in Beograd. Inter 1978 e 1981 il laborat in un municipal tribunale in Beograd. In li annu 1981 il retornat a Podgorica (tande: Titograd) in Montenegro. Il laborat brevimen in li tribunale del districte Titograd. Poy il laborat quam avocate til il comensat su political cariera in li marte 1993.

Desde li annu 1985 il maritat con Svetlana Vujanović. Li cuple have li du filias Tatjana e Nina e li filio Danilo. Filip Vujanović es 2 metres alt.

Political cariera

1993 Filip Vujanović devenit un membre del Democratic Partise del Socialistes de Montenegro/DPS per un invitation de presidente del Federal Republic Yugoslavia Momir Bulatović.
1998-2003 Filip Vujanović esset prim-ministre de Montenegro inter li 5-im de februar 1998 e li 8-im de januar 2003.
2003 In li 5-im de novembre 2003 il devenit presidente del parlament de Montenegro. Per to il devenit anc temporari chef del state de Montenegro.
2003 Desde li 22-im de novembre 2003 il es oficialmen presidente de Montenegro.
2008 Vujanović es reelectet quam presidente de nu índependent Montenegro.
2013 Filip Vujanović es denov electet quam presidente de Montenegro. Il victet solmen strettmen con 51,2 percent contra li candidate del Democratic Front de Montenegro Miodrag Lekić.
2013-2018 Presidente de Montenegro