Golpo ti Panama
Ti Golpo ti Panama (Espaniol: Golfo De Panamá) ket ti golpo iti Taaw Pasipiko idiay asideg ti akin-abagatan nga aplaya ti Panama. Daytoy ket addaan iti kalawa iti 250 kilometro (160 mi), ti kaadalem iti 220 metro (720 ft) ken ti kadakkel iti 2,400 kuadrado kilometro (930 sq mi).[1] Ti Kanal Panama ket isilpona ti Golpo ti Panama iti Baybay Karibe ken ti Taaw Atlantiko. Ti kapitolio ti Panama iti Siudad ti Panama ket isu ti kangrunaan nga urbano a sentro iti igid ti golpo.
Ti golpo ket aglaon pay kadagiti babassit a golpo, a mabirukan ti Luek Panama iti amianan, ti Golpo ti Parita iti laud ken ti Golpo ti San Miguel iti daya. Ti golpo ket addaan met kadagiti bassit nga isla ken ti aplaya idiay ket adda kadagiti bassit a nangruna a puerto, lkasla ti Siudad ti Panama, La Palma ken Chitrè. Ti purpuro ti Is-isla Perlas ket grupo dagiti sumurok a dua gasut nga isla a mabirukan iti daya ti golpo.
Ti kadakkelan a karayan ti Panama, ti Tuira, ket agayus nga agpaabagatan idiay Golpo ti San Miguel.
Dagiti nagibasaran
[urnosen | urnosen ti taudan]- ^ "Gulf of Panama mangroves". Terrestrial Ecoregions. World Wildlife Fund.
Nagsasabtan: 8°05′11″N 79°16′58″W / 8.08642°N 79.28284°W
| Sapasap | |
|---|---|
| Dadduma | |
 | Daytoy nga artikulo ti lokasion ti Panama ket pungol. Makatulongka iti Wikipedia babaen ti panagnayon iti daytoy. |