Anglia

Anglia esas un ek la nacioni qui formacas Unionita Rejio, kune Skotia, Wals e Nord-Irlando.

England Chefurbo London Surfaco 130 279 km² Habitanti Denseso di habitantaro 56 536 419 (2021) 434 hab./km² Guberniestro Charles la 3ma di Unionita Rejio Horala zono UTC+0 (UTC+1 dum somero)

Bazala fakti pri Anglia.

Historio

Stonehenge.

Homi ja habitis la regiono cirkume 780 000 yari ante nun. La maxim anciena osti homala trovita en la regiono datizas de 500,000 yari ante nun. Cirkume 2,500 yari aK dum neolitiko l'arkeologiala monumento di Stonehenge konstruktesis, da un populo qua komence developis ceramika kalici en formo di klosho e, pose, developis la metalurgio di bronzo.

Kelti arivis en la regiono dum fer-epoko. Pose, Romani konquestis la regiono depos 43 dum l'imperio di Tiberius Claudius Cogidubnus. Kun la dekado di Romana imperio dum la 5ma yarcento, Angli, Saxoni e Jutlandani invadis la regiono. Mikra rejii aparis en la regiono e, dum la 9ma yarcento Vikingi konquestis omni ma Alfred di Wessex vinkis li, e pose riunigis la lando.

Normandi, komandita da duko William, konquestis Anglia en 1066. To kreis nova aristokrataro, qua parolis la Franca. Pose, la dinastio Plantagenet, de Anjou, heredis la trono Angla. Anglia divenis parto del Imperio Angevin, qua anke kontrolis feudi en Aquitania. La dinastio Plantagenet regnis dum tri yarcenti e havis importanta monarki, exemple Richard la 1ma, Edward la 1ma, Edward la 3ma e Henry la 5ma.

Geografio

Monti Malvern, che komtii Worcestershire e Herefordshire.

Reliefo di Anglia.

La reliefo di Anglia konsistas ek basa kolini e plana regioni, nome en la centro e la sudo di la regiono. Monti plu alta existas norde. Geografiale, Anglia konsistas en la centro e la sudo dil insulo Britania, ed anke vicina insulo Wight (384 km²) ed insuli Scilly, mikr arkipelago kun entote 16,37 km² e 145 insuleti, de qui 5 habitesas. Fluvio Severn, longa de 350 km, esas la maxim granda fluvio di Britania, e debushas che Bristol Channel, bayo famoza por lua forta marei.

Anglia esas la regiono di Britania maxim proxima de kontinental Europa. Ol separesas de Francia per Angla Kanalo, larja de 34 kilometri en lua maxim streta punto. Anglia nun ligesas a Francia tra tunelo proxim urbo Folkestone.